У Вільні 10 снежня назвалі лаўрэатаў прэміі праваабарончай супольнасці Беларусі за 2024 год. У гэтым годзе, як і ў мінулым, прэмію ўручылі ў чатырох намінацыях (раней было тры).
Пераможцай у намінацыі «Праваабаронца года» стала фем– і квір-актывістка Наста Базар.
У намінацыі «Журналіст года» адразу два пераможцы — галоўны рэдактар выдання Reform.news Фёдар Паўлючэнка і журналістка, праваабаронца цэнтра «Вясна» Дзіяна Пінчук.
«Праваабарончай кампаніяй / ініцыятывай года» названы Фонд салідарнасці BySol.
Лаўрэатам у намінацыі «Праваабарончая салідарнасць» стаў затрыманы журналіст Ігар Ільяш, муж журналісткі-палітзняволенай Кацярыны Андрэевай, якая з 2020 года знаходзіцца ў зняволенні. 22 кастрычніка стала вядома і пра затрыманне самога Ільяша нібыта за інтэрв'ю незалежным СМІ.
Прэмія праваабарончай супольнасці Беларусі за дасягненні ў галіне правоў чалавека заснаваная ў 2008 годзе і ўручаецца штогод.
Журналістку Вольгу Радзівонаву прыгаварылі да 4 гадоў калоніі
Вусныя прысуды. Асуджаным паводле «палітычных» артыкулаў не выдаюць судовыя дакументы
Чаму не ўратавалі Алеся Пушкіна? Тлумачыць былы кіраўнік турэмнай медыцыны Беларусі
Палітвязня Толчына, які выйшаў па памілаванні, затрымалі па адміністрацыйнай справе
Каментары