Трамп хоча зменшыць сусветныя цэны на нафту, каб скончыць вайну ва Украіне
Прэзідэнт ЗША Дональд Трамп заявіў, што мае намер звярнуцца да Саудаўскай Аравіі і АПЕК, каб сумеснымі намаганнямі знізіць сусветныя цэны на нафту, што, паводле яго слоў, «імгненна» можа спыніць расійска-ўкраінскую вайну. Пра гэта ён сказаў 23 студзеня падчас жывога ўключэння на Сусветным эканамічным форуме ў Давосе.
«Я таксама збіраюся папрасіць Саудаўскую Аравію і АПЕК знізіць цану нафты — вы павінны яе знізіць», — заявіў Трамп.
Ён падкрэсліў, што гэта павінна было адбыцца яшчэ да прэзідэнцкіх выбараў у ЗША. Як ён сцвярджае, «калі б цана ўпала, то расійска-ўкраінская вайна скончылася б імгненна».
Трамп падкрэсліў, што цяпер сусветныя цэны на нафту з'яўляюцца дастаткова высокімі, што спрыяе працягу вайны ва Украіне.
«Вы маглі б скончыць гэтую вайну», — заявіў прэзідэнт ЗША, дадаўшы, што гэта з'яўляецца вялікай адказнасцю, паколькі, з ягоных слоў, гінуць мільёны людзей.
Дональд Трамп таксама адзначыў, што намаганні для дасягнення мірнага ўрэгулявання паміж Расіяй і Украінай ужо працягваюцца. Ён падкрэсліў, што падзенне цэнаў на нафту дазволіць знізіць працэнтныя стаўкі па крэдытах спачатку ў ЗША, а затым па ўсім свеце.
Ён таксама выказаў упэўненасць у развіцці плённага ўзаемадзеяння з Саудаўскай Аравіяй у цэлым, якая, паводле яго слоў, ужо паабяцала інвеставаць у Амерыку па меншай меры $600 мільярдаў.
«Але я папрашу наследнага прынца, які з'яўляецца фантастычным хлопцам, акругліць яго прыкладна да 1 трыльёна даляраў. Я думаю, што яны зробяць гэта, таму што мы вельмі добра ставіліся да іх», — заўважыў Трамп.
22 студзеня Трамп заявіў, што ён не хоча наносіць шкоду РФ, аднак у яго не будзе іншага выбару, як увесці «высокія падаткі, тарыфы і санкцыі» на тавары з Расіі, калі Масква не пойдзе на пагадненне аб міры ва Украіне.
Зяленскі назваў умовай перамоваў з Расіяй гарантыі ад Трампа
Трамп заклікаў Расію неадкладна спыніць вайну, іначай пагражае крутымі мерамі
Трамп даручыў свайму спецпрадстаўніку завяршыць вайну ва Украіне за 100 дзён
Трамп можа прывесці Пуціна да краху нават без вайны. Трэба толькі не даваць палёгкаў па нафце
Цяпер чытаюць
Каханак Анжалікі Мельнікавай — агент беларускіх спецслужбаў з пашпартам прыкрыцця49
Каментары
Након нафты пабачым ..
Угроза мацней чым дзеянне..