Улады Пецярбурга наладзяць гарадскія камеры на распазнаванне этнічнай прыналежнасці, каб сачыць за мігрантамі. Пра гэта заявіў кіраўнік камітэта па міжнацыянальных адносінах Пецярбургскай адміністрацыі Алег Капітанаў, перадае «Камерсант».
Па словах Капітанава, новы функцыянал дапаможа ў барацьбе з «фарміраваннем этнічных анклаваў» і дазволіць прымаць»прэвентыўныя меры па недапушчэнні сацыяльнай напружанасці ў рэгіёне».
Чыноўнік растлумачыў, што яго камітэт ужо заключыў кантракт» на закупку ліцэнзіі для распазнання этнічнай прыналежнасці асоб « — для налады васьмі тысяч камер. Сума кантракту перавышае 38 мільёнаў расійскіх рублёў (420 тысяч даляраў).
У прэзідэнцкім Савеце па правах чалавека (СПЧ) раскрытыкавалі рашэнне пецярбургскіх уладаў, назваўшы яго прыніжаючым чалавечую годнасць. «У Расеі нават у пашпарце нацыянальнасць не паказваюць. І раптам нейкія тэлекамеры будуць вызначаць, які чалавек нацыянальнай прыналежнасці», — сказаў кіраўнік СПЧ Валерый Фадзееў.
Пасля тэракту ў «Крокус Сіці холе» ў Маскве, у якім абвінавацілі грамадзян Таджыкістана, у Расеі абвастрыліся ксенафобскія настроі ў дачыненні да мігрантаў.
У розных рэгіёнах краіны праваахоўнікі пачалі праводзіць аблавы па месцах іх пражывання і працы. У некаторых выпадках мігрантаў ставілі на ўлік у ваенкамат.
-
«Адбываецца паступовы адкат». Частка ўкраінцаў, якія пасля вайны перайшлі на ўкраінскую мову, ужо вярнуліся да рускай
-
Прадстаўнік Трампа адмовіўся ад сустрэчы з Зяленскім у Анкары, бо той не згодны з прарасійскім мірным планам
-
Айцішнік назбіраў да 28 гадоў $10 мільёнаў. Хоча пайсці на пенсію, але баіцца, што не хопіць
Каментары