Дзяржсакратар Рады бяспекі Беларусі абверг заявы Уладзіміра Зяленскага.
Раней прэзідэнт Украіны Уладзімір Зяленскі заяўляў, што летам ці восенню 2025 года Расія будзе спрабаваць непасрэдна ўцягнуць Беларусь у вайну. Мэтай правакацыі, на яго думку, можа стаць Польшча або балтыйскія краіны.
З абвяржэннем такой магчымасці ў навінавым эфіры тэлеканала «Беларусь 1» выступіў Дзяржаўны сакратар Рады бяспекі Беларусі Аляксандр Вальфовіч.
«Мы не пагражаем не толькі Украіне, але і нікому ўвогуле. Ён (Зяленскі) пачаў палохаць нашых суседзяў — Польшчу, краіны Балтыі, заяўляючы, што ў Беларусь увойдзе чарговы расійскі кантынгент і будзе створаны нейкі ўдарны кулак.
Але навошта? Палітыка Расіі і Беларусі не накіраваная на заваяванні ці прэтэнзіі. І перш чым пачынаць нейкія агрэсіўныя дзеянні, заўсёды вылучаюцца палітычныя патрабаванні.
Наколькі нам вядома, ні Расія, ні Беларусь не выставілі ні Польшчы, ні Балтыі ані палітычных, ані эканамічных патрабаванняў», — заявіў Аляксандр Вальфовіч.
Дзяржсакратар адзначыў, што ўсе запланаваныя і праведзеныя ў Беларусі мерапрыемствы з'яўляюцца цалкам адкрытымі і празрыстымі. Паводле яго слоў, іх маштаб значна меншы ў параўнанні з тым, што адбываецца на тэрыторыях згаданых суседніх дзяржаў.
«Мы не будуем палігоны за 15 км ад дзяржаўнай мяжы. Так, у нас ёсць палігоны, што засталіся з часоў Савецкага Саюза, але мы не пашыраем інфраструктуру і не павялічваем колькасць войскаў», — дадаў ён.
Вальфовіч паспрабаваў абвінаваціць у пошуку трыгераў для далейшай эскалацыі ўкраінскага лідара. Адказваючы на пытанне, ці можа абвастрэнне абстаноўкі зыходзіць з тэрыторыі Беларусі, дзяржсакратар Рады бяспекі заявіў: «Абсалютна не».
Расія сёлета паспрабуе ўцягнуць Беларусь у вайну? Як успрымаць заяву Зяленскага
Зяленскі: Расія сёлета будзе спрабаваць непасрэдна ўцягнуць Беларусь у вайну
Мінабароны: Беларусь разглядае мілітарызацыю ля сваіх заходніх межаў як падрыхтоўку да нападу на Саюзную дзяржаву
Вальфовіч: Прыкмет развязвання агрэсіі супраць Беларусі пакуль не відаць
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары