Зяленскі ў размове з Трампам нібыта пагадзіўся спыніць атакі на расійскія энергетычныя аб'екты
Прэзідэнт Украіны Уладзімір Зяленскі пагадзіўся спыніць удары па расейскіх энергетычных аб'ектах, што з'яўляецца першым крокам у намаганнях прэзідэнта ЗША Дональда Трампа спыніць вайну, паведамляе Bloomberg са спасылкай на ўласныя крыніцы.
«Зяленскі перадаў гэта паведамленне Трампу падчас тэлефоннай размовы ў сераду, па словах асобы, якая пажадала заставацца невядомым, паколькі інфармацыя яшчэ не апублікаваная, дадаўшы, што абодва бакі пагадзіліся працаваць над далейшым пашырэннем рэжыму спынення агню. Трамп асобна сказаў, што званок быў «вельмі добрым» і што абмеркаванні «ідуць па плане», — адзначаецца ў паведамленні.
Крыніца «Суспільного» у Офісе Зяленскага дадала, што Украіна ў цэлым падтрымлівае спыненне ўдараў па энергетыцы Расіі, але павінен быць такі ж узаемны крок і з расійскага боку.
Размова Зяленскага і Трампа адбылася праз дзень пасля таго, як Уладзімір Пуцін сказаў Трампу, што ён быў бы гатовы абмежаваць атакі на энергетычную інфраструктуру Украіны ў якасці першага кроку, але не пагадзіўся на поўнае спыненне агню, на якім настойваюць ЗША.
Прапанова Пуціна спыніць атакі на энергетычную інфраструктуру ва Украіне адбылася пасля серыі ўдараў, нанесеных зімой, якія аслаблі, калі надвор'е пацяплела. Тым часам Украіна нацэлілася на расійскія нафтаперапрацоўчыя заводы, каб скараціць пастаўкі паліва і даходы Расіі.
Раней Зяленскі заяўляў журналістам у Хельсінкі, дзе знаходзіўся з візітам, што абяцанняў Пуціна спыніць удары па энергетычнай інфраструктуры будзе недастаткова для таго, каб Украіна спыніла атакі на расійскія нафтавыя актывы.
Пасля завяршэння размовы з Зяленскім Трамп напісаў, што дыялог прыйшоў «вельмі добра».
18 сакавіка адбылася тэлефонная размова Трампа і Пуціна. Яе Трамп таксама вызначыў як «вельмі добрую і прадуктыўную». Паведамлялася, што Пуцін падтрымаў ідэю Трампа аб узаемнай адмове Расіі і Украіны на 30 дзён ад удараў па энергетычнай інфраструктуры і даў такую каманду вайскоўцам.
Сталі вядомыя новыя дэталі перамоў Трампа і Зяленскага
Трамп паведаміў, што размова з Зяленскім прайшла «вельмі добра»
Зяленскі: Пуцін адкінуў прапанову спынення агню і атакаваў цывільную інфраструктуру
«Мы будзем адказваць на ўсе ўдары з боку Расіі». Зяленскі адрэагаваў на заяву Крамля пасля перамоў з ЗША
Цяпер чытаюць
«Каб купіць дом, працавала на нарказаводзе». Пасля 2020-га беларуска з пяццю дзецьмі пераехала ў Канаду7
Каментары