За 2024 год колькасць машын на электрычных батарэях у асабістым карыстанні беларусаў вырасла ў 3,2 раза. Таму «Беларуснафта» вырашыла паставіць яшчэ 200 зарадак для электрамабіляў.
На 1 красавіка 2025 года ў Беларусі зарэгістравана 28,5 тысяч электрамабіляў. Пра гэта расказаў намеснік гендырэктара «Беларуснафты» Андрэй Коцік.
Паводле яго слоў, такі рост — не выпадковасць, а сістэмная праца.
«Гэта вынік працы дзяржавы, узаемасувязі мэт, задач, мер і прэферэнцый галіновага характару: у энергетыцы, транспартнай сферы і іншых інфраструктурных праектах», — падкрэсліў Коцік.
Цяпер у краіне працуюць 750 зарадных станцый «Беларуснафты», а да канца года плануюць дадаць яшчэ больш за 200. Яны будуць забяспечаныя ўдасканаленым абсталяваннем, якое не толькі адпавядае сучасным стандартам, але і ўлічвае будучы рост магутнасці і хуткасці зарадкі электракараў.
Кампанія таксама гатовая да з'яўлення электрагрузавікоў — гэта наступны этап развіцця інфраструктуры ад Malanka.
З 1 красавіка падаражэе зарадка электрамабіляў
Брэсцкі блогер паказаў, як кітайскі электракар бачыць зданяў на могілках ВІДЭА
«Не хачу спансараваць Маска». Чаму беларусы (не) прадаюць свае Tesla
Будучыня беларускага электрамабіля ў тумане: «Магілёўліфтмаш» і «Вымяральнік» робяць занадта дарагія запчасткі
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары