З 1 мая на беларускім рынку таксі з'явіўся новы гулец — свой сэрвіс запусціла кампанія А1. Навіна сама па сабе добрая, аднак некаторыя беларусы заўважылі ў ёй і лыжку дзёгцю — у сэрвісе новага таксі былі якія заўгодна мовы, апрача беларускай.
«Нарэшце пабачыў свет новы сэрвіс таксі ад А1. І там ёсць выбар моў! Хочаце ведаць, якія мовы там ёсць замест беларускай? Абхазская, азербайджанская, англійская, арабская, армянская, баснійская, грузінская, іспанская, казахская, кітайская, кыргызская, латышская, літоўская…», — з'едліва пісаў 1 мая ў сацсетцы X карыстальнік Spravavy Čalaviek.
Але ў выніку ці то крытыка была не адзінкавая і дайшла да кіраўніцтва кампаніі, ці то яно схамянулася само, але ў новым пасце той жа карыстальнік паведаміў — беларуская мова ў сэрвісе A1 ужо таксама ёсць.
У А1 ТАКСІ ДАДАЛІ БЕЛАРУСКУЮ МОВУ!!! ПАЎТАРАЮ: У А1 ТАКСІ ДАДАЛІ БЕЛАРУСКУЮ МОВУ!!!!!!!!! https://t.co/1iqV0Wp7vS pic.twitter.com/vDA7NtT9RX
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
А з п.гл. карыстальніцкага інтэрфейсу: пасіўны прымус. Каб змяніць мову, патрэбны дадатковыя дзеянні. Каб застацца на рускай, не патрэбны.
Таму калі ў вас у сістэме ўсюды расейская, не трэба здзіўляцца, што аплікацыі і сайты адчыняюцца па-расейску.