Былы пробашч каталіцкай парафіі ў Валожыне, ксёндз Генрых Акалатовіч, асуджаны на 11 гадоў пазбаўлення волі па абвінавачванні ў «здрадзе дзяржаве», зноў накіраваны ў калонію ў Бабруйску, даведаліся вернікі, піша katolik.life.
Раней стала вядома, што святар, які ўжо знаходзіўся ў калоніі, нечакана вярнулі ў СІЗА Мінска. У вернікаў тады з’явілася надзея, што яго рыхтуюць да вызвалення перад прыездам у Беларусь новага Апостальскага нунцыя, дыпламатычнага прадстаўніка Ватыкана.
Але аказалася, што святар быў пераведзены ў СІЗА для разгляду яго скаргі на прысуд, з якім ён не згодны і не прызнае сябе вінаватым. Ці быў у выніку зменены прысуд?
Наколькі вядома вернікам, — не, прысуд застаўся ранейшым. Магчыма, скаргу разглядаў старшыня Вярхоўнага суда Беларусі, бо абскарджанне рашэння Мінскага абласнога суда ў Вярхоўным судзе ўжо адбылося. Але падрабязнасці вернікам не вядомыя.
Пісаць лісты ксяндзу Генрыху можна па ранейшым адрасе.
ПК №2, 213800, г. Бабруйск, вул. Сікорскага, 1
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары