У Расіі суд раптоўна прызнаў, што слова «хахлы» распальвае нянавісць да ўкраінцаў
Жыхарка Бураціі ў дамавым чаце назвала мужчыну «хахлом» за тое, што ягонае прозвішча Ішчанка. Той пайшоў у суд.
Суд у расійскім Улан-Удэ пакараў мясцовую жыхарку Яўгенію Занданаву за тое, што яна ў дамавым чаце назвала суседа «хахлом».
Жанчыну прызналі вінаватай па адміністрацыйнай артыкуле аб узбуджэнні нянавісці альбо варожасці, ёй прызначылі штраф у 10 тысяч расійскіх рублёў, то-бок 123 даляры, пiша «Вёрстка».
Занданава адправіла ў дамавы чат у Viber наступныя паведамленні (арфаграфія і пунктуацыя захаваныя): «Ищенко все гавно заканчивается на о», «Ума не нажил», «вы все хохлы», «Так у тебя в крови из подтяшка все делать» «Лайкай себе», «Я твой лайк покажу и ответишь», «Вы все хохлы подлые», «Так хохлы всегда так лайи, а потом за спиной тебя обсирают».
Згодна з заключэннем экспертызы, у гэтых фразах утрымліваецца «абразлівая ацэнка асобы адрасата па прыкмеце нацыянальнасці», а таксама яны «прыпісваюць яму шэраг агульных негатыўных характарыстык, уласцівых прадстаўнікам украінскай нацыянальнасці».
Жанчына не адмаўляла факт адпраўкі паведамленняў. Суд кваліфікаваў яе дзеянні як «накіраваныя на прыніжэнне годнасці чалавека па прыкметах нацыянальнасці, здзейсненыя публічна» з выкарыстаннем інтэрнэту.
Суд вынес рашэнне 28 мая 2025 года, а ў чэрвені Занданава падала скаргу на яго ў Вярхоўны суд Бураціі. Яна звярнула ўвагу на тое, што Ішчанка, якому былі адрасаваныя паведамленні, «казаў, што ён з'яўляецца рускім па нацыянальнасці», з-за чаго яе выказванні «не могуць быць прызнаныя як прыніжаючыя годнасць асобы па нацыянальнай прыкмеце (украінца) і не ўтвараюць склад інкрымінаванага адміністрацыйнага правапарушэння». Нягледзячы на гэта, рашэнне суда было пакінута без зменаў.
Як адзначае «Вёрстка», слова «хахлы» часта выкарыстоўваюць топавыя расійскія прапагандысты калібра Маргарыты Сіманьян і Уладзіміра Салаўёва, а таксама многія палітыкі, не кажучы ўжо аб праваенных блогерах і ваенкорах. У Беларусі такое абразлівае слова часта выкарыстоўвае Рыгор Азаронак.
«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог
Курсанты Разанскага вучылішча паветрана-дэсантных войск забілі свайго сяржанта, пашкодзіўшы яго парашут
Беларус здымае відэа, як крадзе адзенне і падроблівае дакументы ў Польшчы. А як запахла смажаным, то кажа: усё дзеля лайкаў
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары