У лясах можна знайсці грыб, падобны да баравіка. Але ці варта есці?
«У мінулым годзе ўпершыню збірала і саліла, як грузды».
Вядомы беларускі грыбнік Аляксандр Гарбацэвіч паказаў у тыктоку грыб, які сустракаецца ў нашых лясах і бывае падобны да баравіка. Гэта макруха яловая (або слімак, макрэц).
Ножка грыба жоўтая ўнізе, а шапачка пакрыта сліззю (яна мае загойвальны эфект). Праўда, форма грыба часцей іншая. Макруха лічыцца тэарэтычна ядомай. Але сам грыбнік яе не еў.
Старуха еловая! Лучше чем боровик?!
У каментарах дзеляцца меркаваннем тыя, хто каштаваў макруху.
«Елі, вельмі смачна. Пару гадоў таму нарваліся на яе».
«Ямо ўжо даўно, смачна, з шапачкі трэба зняць плёначку».
«Я ў мінулым годзе ўпершыню збірала і саліла, як грузды. Мне спадабаліся».
«Я ўвесь час бяру, але з такой нагой не трапляліся. Замажа макруха ўсё, што побач з грыбоў ляжыць. Пасля варкі становіцца ружовая — у смаку нічога асаблівага, але бяру для масы, калі не ахці грыбоў, а дадому несці штосьці трэба».
«Я ела і вось сёння набрала. Вельмі смачны добры грыб. Чышчу і марыную як маслякі, з ножкі таксама зразаю слізь».
«Нічога асаблівага».
«Макруху яловую збіраю шмат гадоў. На жаль, у гэтым годзе іх мала. Яны вельмі смачныя, мясістыя. Хоць пасмажыць, хоць пасаліць. Смачны грыб, у засолцы з іншымі грыбамі ў асарці — наогул казка».
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я25
Каментары