10 верасня Аляксандр Лукашэнка падпісаў указ «Аб удасканаленні дзяржаўнага кіравання ў сферы турызму».
Згодна з указам, Нацыянальнае агенцтва па турызме Мінспорту цяпер будзе падпарадкоўвацца непасрэдна ўраду і набывае паўнамоцтвы па дзяржаўным рэгуляванні і правядзенні адзінай дзяржаўнай палітыкі ў сферы турызму.
Прадугледжваецца, што агенцтва будзе каардынаваць дзейнасць цэнтральных і мясцовых органаў улады, прымаць нарматыўныя акты, прасоўваць турыстычны патэнцыял Беларусі на ўнутраным і знешнім рынках, а таксама прапаноўваць інвестыцыйныя праекты для развіцця турызму.
У сваю чаргу, Мінадукацыі будзе аказваць метадычную і каардынацыйную падтрымку па пытаннях развіцця турызму і інвестыцыйнай палітыкі.
Указам вызначаюцца асноўныя задачы на бліжэйшыя пяць гадоў: павялічыць унёсак турызму ў эканоміку амаль у два разы і дасягнуць яго долі ў ВУП не менш за 4,5% да 2030 года.
Мяркуецца, што прыняцце ўказа дазволіць паскорыць развіццё турызму, стварыць эфектыўную сістэму кіравання гэтай сферай на цэнтральным і рэгіянальным узроўнях і зрабіць турызм прыярытэтнай галіной эканомікі.
Функцыі рэгулятара ў турсферы прапануюць перадаць ад Мінспорту Нацыянальнаму агенцтву па турызме
Турбізнэс наракае, што з-за дзяржаўных абмежаванняў яму не хапае экскурсаводаў
«Ультраэкзотыка для самотнага турыста». Ці зацікавіць Іран беларусаў і ці паедуць турысты з Ірана ў Беларусь
«За 500 рублёў ляцеў у Мінск з Магілёва на самалёце». Мінчук па парадку аб’ехаў усе месцы з беларускіх купюр
Арганізатар байдарачных сплаваў расказаў, што стаіць на перашкодзе турызму, апрача прусакоў у гатэлях
Каментары