Такім чынам, любы клуб НХЛ можа забраць абаронцу зборнай Беларусі Іллю Салаўёва без усялякай кампенсацыі.
«Калгары Флэймз» выставіў беларускага абаронцу Іллю Салаўёва на драфт адмоваў, паведамляе прэс-служба клуба.
Такім чынам, любы клуб НХЛ можа забраць абаронцу зборнай Беларусі без усялякай кампенсацыі.
У выпадку, калі ні адзін клуб НХЛ не падасць заяўку на Салаўёва, ён будзе пераведзены ў фарм-клуб «Калгары», піша «Беларускі хакей».
Варта адзначыць, што ў Салаўёва аднабаковы кантракт з «Калгары Флэймз». У мінулым сезоне клуб таксама выставіў яго на драфт адмоваў, але ў выніку Салавьёў так і застаўся ў «Калгары Флэймз».
У мінулым сезоне 25‑гадовы ўраджэнец Магілёва правёў 5 гульняў у НХЛ, дзе набраў 1 (0+1) бал, з паказчыкам карыснасці «-3».
У АХЛ (Амерыканская хакейная ліга, другая па значнасці пасля НХЛ) за «Калгары Рэнглерс» у яго актыве 28 (6+22) ачкоў у 60 паядынках, з паказчыкам карыснасці «+8».
За «Калгары Флэймз» выступае беларускі форвард Ягор Шаранговіч.
Новы сезон у Нацыянальнай хакейнай лізе стартуе на наступным тыдні.
Таксама стала вядома, што «Анахайм Дакс» адправіў беларускага форварда Ягора Сідарава ў фарм-клуб з Сан-Дыега ў АХЛ.
Спрабуе прабіцца ў склад «Вашынгтон Кэпіталз» малодшы брат Аляксея Протаса Ілля. Мінулай ноччу ён згуляў у выставачным матчы ў адным звяне з зорным Аляксандрам Авечкіным.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары