Суд Бабруйскага раёна прызнаў «экстрэмісцкім» сайт Рады міністраў Паўночных краін
2 кастрычніка ў судзе Бабруйска і Бабруйскага раёна прызналі «экстрэмісцкімі» сайт і старонку ў Facebook Рады міністраў Паўночных краін і Усходнееўрапейскага дэмакратычныга цэнтру, заўважыла «Вясна».
Рада міністраў Паўночных краін — гэта міжурадавы форум, мэта якога — садзейнічаць супрацоўніцтву паміж Паўночнымі краінамі (Данія, Фінляндыя, Ісландыя, Нарвегія, Швецыя).
Тэлеграм-канал «Витебск, я гуляю!» мяркуе, што суд, верагодна, хацеў прызнаць «экстрэмісцкім» грантавы аддзел гэтай Рады — Nordic Media Grants Belarus (сайт гэтай праграмы, праўда, з памылкай таксама пазначаны ў дакуменце), але размахнуўся так, што па сутнасці прызнаў «экстрэмісцкім» рэсурс цэлага міжурадавага органа.
Таксама «экстрэмісцкі спіс» гэтым разам папоўнілі:
- старонкі ў сацсетках праектаў «Беларусь у войнах», Belarus Tomorrow і «Ucentry.Hrodna. Месца з гісторыяй»;
- фэйсбук-старонкі Iwanow Iwan, Alina Brown, Ambasciata popolare della Belarus in Italia, Fundacja Spadczyna Bialorusi;
- тэлеграм-каналы Sandär, «Эзотерическая общественность 2.0», «аморальные высказывания кф»;
- тыкток-старонкі «Белая Рутения», kbochkov 2020, triada.history.
На Шры-Ланцы ў 37 гадоў памёр беларускі кінапрадзюсар Андрэй Маталыга3
Каментары