Расійскае тэлебачанне адшукала сярод сабраных на прэс-канферэнцыю журналістаў Стыва Разенберга. Аказалася, што гэта зусім не ён
Падчас падрыхтоўкі да прамой лініі з Уладзімірам Пуціным прапагандыстка з Першага канала ўзяла інтэрв’ю ў мужчыны, якога прадставіла вядомым брытанскім журналістам Бі-бі-сі Стывам Розенбергам.
Падчас эфіру вядучая адзначыла, што на мерапрыемстве прысутнічае шмат замежных журналістаў. Яна падышла да аднаго з мужчын, назвала яго Стывам Розенбергам і задала пытанне пра чарговую прэс-канферэнцыю Пуціна. Пры гэтым прапагандыстка заявіла, што «Стыў» ужо неаднаразова меў магчымасць задаваць пытанні прэзідэнту Расіі.
Пазней высветлілася, што гэта быў не Стыў Розенберг, а іншы чалавек.
I didn't know I had a body double...Russian TV clearly thinks I do. At Vladimir Putin's press conference a reporter did a live interview with 'Steve Rosenberg' (but it wasn't me). pic.twitter.com/os0RIfFRc2
Сапраўдны Стыў Розенберг напісаў у сацсетцы X, што ён не ўдзельнічаў у гэтым інтэрв’ю і з іроніяй заўважыў, што, відаць, расійскае тэлебачанне лічыць, што ў яго ёсць двайнік.
Каментары