Калеснікава падзякавала за падтрымку і кілаваты цеплыні і святла, якія яны адчула ў апошнія дні
«У апошнія дні вы акацілі мяне такой гіганцкай хваляй любові і падтрымкі, што я не магу знайсці слоў, каб выказаць вам сваю ўдзячнасць!» — піша Марыя ў фэйсбуку.
«Зараз для нас усіх не самы просты перыяд. Бывае цёмна, бывае страшна, бывае адчуванне, што ты сам-насам з гэтым светам, дзе агрэсія і нянавісць гучныя як ніколі. Але менавіта ў такія моманты асабліва ясна разумееш: мы можам быць маякамі адзін для аднаго. Бо менавіта маякі ратуюць ад катастроф і караблекрушэнняў. Мы павінны быць жывым, яркім святлом адзін для аднаго — у камунікацыі, позірках, голасе, у простым «я з табой» і «абдымаю».
Дзякуй вам за кілаваты цяпла і святла. За вашу дабрыню, за ўвагу, за любоў і за тое, што вы побач. За тое, што, як і я, верыце, што дабра больш і дабро пераможа, за тое, што знаходзіце ў сабе сілы і несяце дабро і любоў у гэты морак. Дзякуй за тое, што не даяце святлу згаснуць.
Я веру — цёмныя часы пройдуць. Не таму, што раптам стане лёгка, а таму, што мы ідзем праз іх не ў адзіночку.
Я бясконца ўдзячная вам. І абяцаю — быць побач, свяціць і дзяліцца цяплом з вамі, мае дарагія», — напісала Марыя Калеснікава.
Стась Карпаў: Я заўважыў тры Марыі
Калеснікава: Лукашэнка можа пайсці на спыненне рэпрэсій дзеля будучыні і «з нейкай мудрасці»
І вось пытанне: гэта нармальна, калі беларускі палітык першыя інтэрв’ю дае не беларусам, а немцам і расіяніну?
Калеснікава распавяла, чаму яна адмовілася ад сустрэчы з Лукашэнкам у СІЗА КДБ
Калеснікава адказала, ці праўда, што яна схуднела да 45 кг у калоніі
Севярынец звярнуўся да Калеснікавай: Маша, ты наша!
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары
[Зрэдагавана]