Гэта ўсім вядомая калыханка.
Гаворка пра калыханку «Доўгі дзень», словы да якой напісаў Генадзь Бураўкін, а музыку — Васіль Раінчык. Упершыню яе выканала Ядзвіга Паплаўская, і менавіта яе голасам, хутчэй за ўсё, гэтая песня гучыць у вашых думках.
Але гісторыя не пра гэта — падставай для публікацыі стаў пост у Threads, піша Blizko.by.
«Чаму, калі я чую нашу беларускую калыханку або спяваю яе дачцэ, мне хочацца плакаць? Асабліва радок «Ты таксама каля мамы ціха-ціхенька ляжы»», — спытала жанчына ў Threads.
Яе адразу ж падтрымалі сотні каментароў. Многія прызналіся, што таксама плачуць пад гэтую калыханку, прычым не толькі жанчыны.
- «Госпадзі, я думала, што я адна такая сентыментальная. Сыну спявала і плакала кожны раз».
- «І я плачу, мне 42, а ўсё ўнутры разрываецца. Хай бы нехта растлумачыў гэты феномен».
- «Сумная, так, мой раз нават заплакаў, сказаў: «Тата, гэта занадта…».
- «Калі шчыра, я думала, што гэта я такая… Думала, з псіхікай праблемы, але сапраўды гэтая песня і асабліва той радок адразу выклікаюць слёзы… Прычым такія, што наўзрыд».
Карыстальнікі не толькі пахвалілі любімую калыханку, але і далі вельмі паэтычныя тлумачэнні яе «слёзнага» эфекту.
- «Варыянт эфекту Стэндаля? Гэта настолькі прыгожа, што разбівае нас на кавалкі…».
- «Наша калыханка — гэта сусветны шэдэўр. А плачацца вам таму, што ў душы разумееце: вечна так не будзе, дачушка вырасце і пакіне сямейнае гняздо. Здароўя вам і вашай малечы!»
- «Бо гэта наша дзяцінства. Калі я чую гэтыя песні, хочацца плакаць ад жалю да той маленькай дзяўчынкі, якой яшчэ толькі давядзецца прайсці цяжкі жыццёвы шлях. Пра які яна пакуль не ведае, а цяпер «каля мамы ціха-ціхенька ляжыць»».
- «Мы праспяваем свае дзіцячыя ўспаміны, эмоцыі, бязмежную любоў і перадаём іх ад нашых мам сваім дзецям».
Успомнілі і іншыя любімыя калыханкі. Адной з самых кранальных таксама назвалі «Калыханку» Леаніда Пранчака, якую выконвалі «Песняры».
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары