«Пасля смерці мамы стаў больш замкнёным». Сваякі і знаёмыя расказалі пра падлетка, які загінуў у Гродне
16‑гадовы Ягор Панкратаў з Гродна, вучань 8 «Ж» класа сярэдняй школы №41, знік без вестак 9 красавіка, а ўчора стала вядома, што яго знайшлі мёртвым. Журналісты выдання «Анлайнер» звязаліся са сваякамі і знаёмымі загінулага падлетка.
«Звычайная сям’я, тата адзін гадуе хлапчукоў. У мамы [Ягора] здарыўся інсульт, яна некалькі гадоў ляжала спаралізаваная і памерла каля трох гадоў таму», — расказала «Анлайнеру» сваячка з Масквы.
Пра трагедыю жанчына даведалася ўчора з навін і пакуль не ведае падрабязнасцяў.
Таксама жанчына пагаварыла з мамай дзіцяці, якое вучылася з Ягорам у адным класе. Ала (імя зменена) апісвае хлопца як «спакойнага і добразычлівага».
«Ягор быў другагоднікам. Па характары быў вельмі добрым хлопчыкам! Такі мяккі, добры, трохі сарамлівы падлетак. Калі ён прыйшоў у клас да майго дзіцяці, то быў даволі таварыскім, але пасля смерці мамы ў яго як быццам штосьці пстрыкнула ў галаве: ён стаў больш замкнёным. Было адчуванне, што на яго проста забыліся».
Са слоў Алы, Ягор марыў пра тэлефон і сабраў на яго грошы.
«У выніку яму нехта падарыў тэлефон, але сімку яму так і не купілі…»
Цяпер чытаюць
«Пакінулі на некалькі гадзін аднаго на вакзале». Мужчына памёр пасля падзення з вышыні на працы1
«Пакінулі на некалькі гадзін аднаго на вакзале». Мужчына памёр пасля падзення з вышыні на працы
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
И плевать они хотели, что кому-то плохо, а ОППОЗИЦИИ НЕТ. одни Холуи луки и его прыстасаванцев.... Такова Жизнь, Сегодняшняя, Беларусская...