Шчыт «Марыя» пачаў работу па пракладцы новага ўчастку тунэлю зялёнай галінкі мінскага метро, піша БелТА.
Комплекс пачаў рух ад будучай станцыі «Парк Дружбы народаў» да «Камароўская» ў паўднёвым кірунку, затым накіруецца да «Пярэспы» і завершыць шлях на «Юбілейнай плошчы».
Раней таксама пісалася, што комплекс «Алеся» рыхтуецца даць нырца пад Свіслач, каб можна было весці работы пад рэчышчам.
Нягледзячы на тое, што трэцяя лінія носіць назву «Зялёналужская» ў Зялёны луг яна не пойдзе.
Першы ўчастак трэцяй лініі быў здадзены ў лістападзе 2020 года. Тады былі пушчаныя цягнікі ад станцыі «Юбілейная плошча» да «Кавальскай слабады», яны ўключалі таксама станцыі «Плошча Францішка Багушэвіча» і «Вакзальная».
У канцы 2024 года адкрыліся тры станцыі ў паўднёвым напрамку: «Аэрадромная», «Немаршанскі сад» і «Слуцкі гасцінец».
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары