Дрэва з вавёркай ды анёл з грудзямі. У Мінску прадаюць сталінку, дзе можна здымаць фэнтэзі
У прасторнай аднапакаёўцы каля Трактарнага спалучыліся барэльефы, цэгла, яркія роспісы і дызайнерская мэбля.
Гэта кватэра на вуліцы Будзённага ў Мінску з серыі «лепш адзін раз убачыць». Бо словамі апісаць гэты палёт фантазіі даволі складана.
Гледзячы на тыповую сталінку, пабудаваную ў 1955 годзе, ніколі не скажаш, што ў ёй можа быць партал у альтэрнатыўную рэальнасць. На 40 квадратах такі аўтарскі рамонт, што нават «Куфар» вырашыў зрабіць на яго відэагляд.
З савецкай лесвічнай клеткі трапляеш ці то ў казку Пушкіна, ці то ў фэнтэзі. Блогерка, якая рабіла агляд, адразу пачала цытаваць: «У Лукоморья дуб зелёный…» — бо частку кватэры займае аб’ёмнае дэкаратыўнае дрэва. Яго карані ідуць з падлогі, а галіны ўпіраюцца ў столь.
На адной з іх можна ўбачыць фігурку вавёркі. Дзяўчына пажартавала, што гэта ідэальная кватэра для Беласнежкі.
На сценах намаляваныя вулачкі еўрапейскіх гарадоў. Можна пабачыць і барэльеф — жанчыну-анёла без галавы.
Падлога заліўная — імітуе дрэва. А для заніравання прасторы зроблена вялізарная кветка. Прыцягваюць увагу і цагляныя падаконнікі з назвамі вуліц.
На фоне ўсяго гэтага столь, размаляваная як нябёсы з аблокамі, ужо не здзіўляе. Дарэчы, глядзець на яе можна з круглага ложка.
А вось мэбля на кухні выглядае традыцыйнай — кажуць, італьянская і вельмі дарагая.
Уласнік Дзмітрый запэўнівае, што ўсе элементы дэкору зробленыя ўручную. Але ахарактарызаваць стыль не можа: кажа, «дызайнерскі, індывідуальны». І запэўнівае: у жыцці ўсё выглядае лепш, чым на фота.
Дарэчы, Дзмітрый — будучы міліцыянер. Ён вучыцца ў Акадэміі МУС.
Просіць ён за аднапакаёўку $89500.
Цяпер чытаюць
Памілаваныя 15 чалавек, сярод якіх 13 палітвязняў2
Каментары
А, калі без жартаў, то быў я аднойчы ў такой кватэры. Мае адчуванні? Шок! Я не бачу паталок! Ён дзе-та там на вышыні 5, 7, 10 метраў. Шок! А па плошчы такое ўраджанне, што вы АДЗІН дзе-та згубіліся на футбольным полі.
Звяртаюсь да патэнцыйных пакупікоў. Калі грошы ёсць, таргуйцеся і купляйце. Лічыце, што што купляеце гектар зямлі, цэлую вёску з прыгоннымі селянамі, у цэнтры Мінска.