Чарговая атака БПЛА на Расію — гараць дзве нафтабазы, у Таганрогскім заліве пашкоджаны танкеры
У ноч на 9 ліпеня шэраг расійскіх рэгіёнаў патрапіў пад атаку беспілотнікаў. Вынікам налёту дронаў сталі буйныя пажары на паліўных аб'ектах і чарговыя пашкоджанні марскіх судоў.
У Шпакаўскім муніцыпальнай акрузе Стаўраполля, паводле аналізу ASTRA, пасля выбухаў загарэлася нафтабаза каля хутара Вязнікі. Там буйны вузел для захоўвання і перавалкі бензіну і дызельнага паліва. Першапачаткова паведамлялася пра пажар на суседняй базе «ЛУКОЙЛ-Югнефтепродукт» у Міхайлаўску, якая знаходзіцца ўсяго за кіламетр, аднак пазней інфармацыю ўдакладнілі.
Мясцовыя ўлады пацвердзілі, што агонь дабраўся да рэзервуараў з гаручымі матэрыяламі, а сам пажар узмацніўся.
З-за пагрозы распаўсюджвання агню жыхароў найбліжэйшай вуліцы тэрмінова эвакуіруюць у пункты часовага размяшчэння.
У Цверы пасля начнога налёту БПЛА загарэўся адзін з рэзервуараў прадпрыемства «Твярская нафтабаза» (даччыная кампанія «Сургутнафтагаза»). Гэты аб'ект забяспечвае палівам сетку з больш як паўсотні АЗС у вобласці. Кіраўнік рэгіёна заявіў, што пажар ужо лакалізаваны, а сярод персаналу і цывільнага насельніцтва пацярпелых няма.
Растоўская вобласць: паўторны ўдар па танкерах
У Растоўскай вобласці, паводле заявы мясцовых уладаў, за ноч знішчылі больш за дваццаць беспілотнікаў. Тым не менш, у Таганрогскім заліве БПЛА зноў атакавалі два танкеры (пра аналагічны інцыдэнт паведамлялася і суткамі раней).
Судны атрымалі пашкоджанні, на іх пачаўся пажар. На адным з танкераў агонь ужо патушылі, на другім тушэнне працягваецца.
Экіпажы абодвух судоў эвакуіравалі, пацярпелых сярод маракоў няма.
-
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу
-
Расійскі афіцэр застрэліў на фронце ва Украіне двух сваіх жа вайскоўцаў
-
Пад Самарай пасля ўдару Украіны другія суткі гарыць адно з найбуйнейшых сховішчаў нафты ў Еўропе
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары