Уорэн Бафет выбраў пераемніка.
Ім стаў малавядомы кіраўнік хеджфонда з Канектыкута Тод Комбс. Яго інвестыцыйны партфель вырасце з $400 млн да $100 млрд. Годнага кандыдата ў Berkshire Hathaway шукалі больш за пяць гадоў.
Уорэн Бафет знайшоў каму перадаць кіраванне Berkshire Hathaway Inc. пасля адыходу ад актыўнага кіравання бізнэсам. Найбольш верагодны кандыдат цяпер кіруе адносна невялікім хеджфондам, паведамляе Wall Street Journal. Гэта Тод Комбс,
Магчыма, менавіта Тод Комбс будзе кіраваць інвестыцыйным партфелем амаль у $100 млрд, які Berkshire Hathaway сабрала пад кіраўніцтвам Уорэна Бафета. Прызначэнне здзівіла удзельнікаў інвестыцыйнага рынку. Фонд Тода Комбса нашмат меншы — каля $ 400 млн. Ён спецыялізуецца на інвестыцыях у кампаніі фінансавага сектару.
Знаёмыя Тода Комбса даюць яму станоўчыя характарыстыкі.
«Ён вельмі добра навучаны, чытае 500 старонак у тыдзень і праводзіць уласныя глыбокія даследаванні», — заявіў Чак Дэвіс, генеральны дырэктар кампаніі Stone Point, які дапамог Комбсу адкрыць свой фонд пяць гадоў таму.
Уорэну Бафету ў жніўні споўнілася 80 гадоў. Але легендарны інвестар заяўляе, што не мае намеру цалкам адыходзіць ад справаў.
Хутчэй за ўсё, ён застанецца старшынём рады дырэктараў і будзе кіраваць уласна інвестыцыйным працэсам.Тод Комбс «не атрымае кантролю над усімі інвестыцыямі, пакуль я яшчэ тут», — папярэдзіў Бафет. Галоўным застанецца Бафет, а Комбсу будзе даручаны партфель, «які Бафет палічыць прыдатным», потым партфель будзе паступова павялічвацца. Пераемнік Бафета будзе залічаны ў кампанію, якая налічвае менш за 25 супрацоўнікаў, аднак валодае больш чым 70 прадпрыемствамі.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос4
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары