Chirurh Alaksandr Šakucin — adzin ź niamnohich adkrytych biznesoŭcaŭ va ŭładzie. Voś užo druhi termin zapar jon abirajecca členam savieta respubliki.Heta dazvalaje łabiravać intaresy «Amkadora», u skład jakoha ŭvachodziać usio novyja i novyja pradpryjemstvy. Prybytak tolki hałaŭnoj kampanii za 2011 hod skłaŭ $26 miljonaŭ.
Miljanier maje bahatuju «sacyjalnuju» nahruzku. Na pasadzie staršyni tenisnaj fiederacyi jon źmianiŭ Uładzimira Piefcijeva. U łukašenkaŭskaj «Biełaj Rusi» Šakucin uvajšoŭ u skład respublikanskaj rady, jość jaho proźvišča i ŭ Radzie pa raźvićci pradprymalnictva.
Prateže miljaniera Alena Łanskaja sioleta ŭsio ž pajedzie na «Jeŭrabačańnie».Letašniaja sproba skončyłasia skandałam — vyniki nacyjanalnaha adboru byli sfalsifikavanyja. Abvinačavany ŭ hetym Dźmitryj Baranaŭ ciapier pracuje dyrektaram šakucinskaha pradziusarskaha centra «Spamaš».
***
Abjektyŭka
Nar. u 1959 u vioscy Vialikaje Babina Aršanskaha rajona. Zakončyŭ Biełaruski dziaržaŭny miedycynski ŭniviersitet pa śpiecyjalnaści «chirurh». Pracavaŭ zahadčykam chirurhičnaha adździaleńnia 10-j minskaj balnicy, dyrektaram miedcentra MTZ. U jakaści prezidenta pradpryjemstva «Prammiedinviest» zajmaŭsia pastaŭkami miedycynskaha abstalavańnia. Ciapier — staršynia rady dyrektaraŭ chołdynha «Amkador», jaho ž akcyjanier. Staršynia rady dyrektaraŭ AAT «Amkador» (ad 2005), člen savieta respubliki (z 2008), staršynia Biełaruskaj tenisnaj fiederacyi (ad 2012).
***
Sakrety pośpiechu: Alaksandr Šakucin — samy bahaty sienatar Biełarusi
Kamientary