Jašče adzin Zasłužany majstar sportu zapisaŭ biełaruskamoŭny rolik Bajec Dzianis Hančaronak prezientuje jaho 8 sakavika ŭ Łas-Viehasie, dzie z udziełam minskich bajcoŭ projdzie hrandyjoznaje šoŭ Kickboxing Empire 2.
Uśled za futbalistam Vitalom Radzivonavym i tajbaksioram Vitalom Hurkovym modu na biełaruskamoŭnyja roliki pierachapiŭ nieadnarazovy čempijon śvietu pa muaj-taj Dzianis Hančaronak. U subotu, 8 sakavika rolik pakažuć u miežach płatnaj televizijnaj tranślacyi bajcoŭskaha šoŭ Kickboxing Empire 2. Biełaruskamoŭny zakadravy tekst budzie supravadžacca anhłamoŭnymi subcitrami.
«Kancepcyja rolika takaja, što biez nacyjanalnaj movy abyścisia było niemahčyma. Stajała zadača prailustravać biełaruski kałaryt i nadać videa matyvacyjnaści, — apaviadaje Dźmitryj Kazłoŭski, dyrektar kampanii Malamoute Production, u jakoj amierykancy zamovili videa. — Našy prodki, pra jakich u roliku viadziecca havorka, byli vybitnymi vajarami, i pieradać toj duch bieź biełaruskaj movy niemahčyma. Vajar biez historyi — drenny vajar. A naša historyja — heta biełaruskaja mova».
Aproč Dzianisa Hančaronka, ź biełarusaŭ u rynh vyjduć Pavieł Turuk i znakamity tajbaksior Vital Hurkoŭ, jaki litaralna miesiac tamu staŭ čempijonam śvietu pa muaj-taj u viersii WBC.
Jak Vital Hurkoŭ zavajoŭvaŭ pojas čempijona śvietu (VIDEA)
Intares vyklikaje toje, što turnir projdzie pavodle praviłaŭ amierykanskaha kikboksinhu. Praviły tut surjozna adroźnivajucca ad tajskaha boksu, da jakich toj ža Vital Hurkoŭ pryzvyčajeny kudy bolš.
Kolišni turnir Kickboxing Empire 1, dzie najiarčejšyja bai praviali biełarusy (VIDEA)
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary