Na siońnia knihi na biełaruskaj movie składajuć 12% ad ahulnaha abjomu litaratury, jakaja vydajecca ŭ Biełarusi.
Ab hetym na pres-kanfierencyi 3 vieraśnia ŭ Minsku zajaviŭ namieśnik ministra infarmacyi Uładzimir Matusievič.
«Šmat heta ci mała, skazać ciažka. Napeŭna, heta stolki, kolki taho siońnia patrabuje rynak», — adznačyŭ čynoŭnik.
Pavodle danych Ministerstva infarmacyi, za minuły hod u Biełarusi vydaviectvami i arhanizacyjami roznych form ułasnaści, jakija vydajuć knihi, było vypuščana kala 11,4 tys. najmieńniaŭ knih i brašur ahulnym nakładam prykładna 31,5 młn. asobnikaŭ.
Matusievič padkreśliŭ, što vydańnie knih na biełaruskaj movie źjaŭlajecca adnym z asnoŭnych kirunkaŭ dziejnaści dziaržaŭnych vydaviectvaŭ. «Dziaržaŭnyja vydaviectvy vydajuć bolš za dźvie traciny ad usiaho abjomu litaratury, jakaja vychodzić na biełaruskaj movie», — rastłumačyŭ jon.
Kažučy ab prysutnaści ŭ prodažy dziciačych knih na biełaruskaj movie, namieśnik ministra infarmacyi zajaviŭ: «Skazać, što ich siońnia vielmi mała, nielha».
«Vielmi ciažka skazać, u vialikim ci małym abjomie jany pradstaŭleny ŭ kniharniach, ale najmieńniaŭ dziciačaj litaratury na biełaruskaj movie ŭ mahazinach dastatkova», — pierakanany Matusievič.
Ciapier čytajuć
«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»7
«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary