Hledačy svaim hałasavańniem na pieršaje miesca pastavili brescki hurt Muzzart, a na druhoje — prajekt narviežskaha śpievaka biełaruskaha pachodžańnia Alaksandra Rybaka, byłoha pieramožcy «Jeŭrabačańnia». Trecich narodnych ulubioncaŭ — zombi-hrupu Sweet Brains — u finał adboru nie prapuścili.
Ale žury adpraviła ŭ Vienu zaŭsiodnikaŭ biełaruskaj pop-sceny Uzari & Maimuna.
Alaksandr Rybak ad rasstrojstva zapisaŭ videazvarot.
«Ja ŭžo stolki hastraluju, i jeŭrapiejcy ŭsiudy havorać stolki brudu pra maju radzimu, pra Biełaruś. A ja abaraniaju, abaraniaju, kažu, što tam dobraja sistema. Kažuć — jakaja sistema? Tam usio kuplena. Bolš nie viedaju, što ja abaraniaju, — ledź strymlivaje ślozy Rybak. — Kožny hod biełaruskaja delehacyja prosić u mianie napisać pieśniu, jakaja moža pieramahčy na «Jeŭrabačańni». I voś ja napisaŭ… Patraciŭ čas, hrošy, znajšoŭ talenavitych dziaŭčat…
Ja bačyŭ hetaje žury, ja ź imi ŭsimi sustrakaŭsia. Adzin mnie kazaŭ: «Zaŭždy my budziem ciabie padtrymlivać!» I voś tak padtrymali», - narakaje Rybak. «Spadziajusia, što hetaje žury nikoli ŭ žyćci nie ŭbaču», — padsumavaŭ Rybak.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary