15 studzienia ŭ 17:00 u halerei «Łabirynt» Nacyjanalnaj Biblijateki Biełarusi adkryjecca vystava, pryśviečanaja pamiaci Tadevuša Rejtana, Vialikaha syna biełaruskaj ziamli, Hieroja ź vialikaj litary, imia jakoha doŭhi čas dla našych suajčyńnikaŭ źjaŭlałasia sinonimam słova «Patryjot».
Jak viadoma, za svajo karotkaje žyćcio, Tadevuš ździejśniŭ tolki adzin podźvih, recha jakoha prałunała pa ŭsim śviecie. U 1773h., pad čas nadzvyčajnaha sojmu Respubliki Abodvuch Narodaŭ, na jaki jon byŭ abrany deputatam ad Navahradskaha vajavodtsva VKŁ, Rejtan, na čale nievialikaj pa kolkaści hrupy pasłoŭ ź biełaruskich ziemlaŭ, vykazaŭ rašučuju niazhodu płanam zaćvierdzić Pieršy padzieł Respubliki.
Na vystavie možna budzie ubačyć nia tolki tvory sučasnych biełaruskich mastakoŭ - hrafičny šerah «Rod Rejtanaŭ. Asoby. Padziei» A. Rodzina i Z. Jurkieviča, R.Sitnicy, M.Kupavy, R.Bataljonka, V.Viadrenki, K.Januškievič, A.Łabkoŭskaha, P. Tatarnikava, Ź.Višnieva, N.Šapavałavaj, Dz. Šapavałava, S.Badak, A.Šarypy, Ja.Šunejki, M.Karpuka, I.Hrynbierha, V.Mikity, M.Aŭčyńnikava, A.Jasinskaj, K.Bułas, A.Čekan, V.Markaŭca, P.Šarypy, Ja.Kulika, ale i repradukcyi vyjaŭ Tadevuša Rejtana našych papiarednikaŭ –mastakoŭ XVIII-XX stst. F.Smuhlevič, Ł. Horvarta. A taksama litaraturnyja tvory, pryśviečanyja Tadevušu Rejtanu, abo stvoranyja jaho plamieńnikami - Stanisłavam Rejtanam i Hannaj Hieryčovaj z Rejtanaŭ z pryvatnych zboraŭ i knihaschoviščaŭ NBB. Vystava abiacaje być cikavaj i nasyčanaj, a hałoŭnaje, musić stać znakavaj padziejaj hodu! Kuratary Źmicier Jurkievič i Aleś Rodzin
Adras: Halereja «Łabirynt», 3-ci pavierch, Nacyjanalnaja Biblijateka Biełarusi, pr. Niezaležnaści, 116.
Ciapier čytajuć
Łukašenka niervova prakamientavaŭ vizit Cichanoŭskaj u Kijeŭ47
Kamientary