Kancert Port Mone projdzie 21 maja ŭ minskim KZ «Vierchni horad».
Viadomy rasijski muzyčny krytyk Arciemij Troicki zapisaŭ 4-chvilinny videarolik, pryśviečany kancertu biełaruskaha hurtu Port Mone.
Troicki paznajomiŭsia z tvorčaściu Port Mone, kali byŭ pradstaŭnikom Rasii na ŭznaharodach Experty.by pa vynikach 2009 hoda. Tady jon apisaŭ ich debiutny albom «Dip» nastupnym čynam: «Aŭtarskaja i kampazitarskaja dumka hetaha kalektyva bačycca mnie ŭ najvyšejšaj stupieni jakasnaj u adroźnieńnie ad bolšaj kolkaści sučasnaja akardeonnaj muzyki (uličvajučy džaz i avanhard), dzie instrumientalist napyšliva i biezadkazna vyduvaje ź miachoŭ svaje rułady».
Novy albom «Thou» taksama spadabaŭsia Troickamu i jon zapisaŭ pryśviačeńnie kalektyvu i chutkamu kancertu, dzie siarod inšaha adznačyŭ: «Heta hurt, jaki całkam spakojna moh by pradstaŭlać Biełarusi i naohuł słavianskuju muzyku na konkursach, festach u samych roznych krainach i ŭpeŭnieny, što i tam jon na žury i ekśpiertaŭ rabiŭ by vielmi dobraje ŭražańnie».
***
Trya Port Mone było zasnavanaje ŭ Minsku ŭ 2009 hodzie Alaksiejem Varsobaj (akardeon), Alaksiejem Vančukom (bas-hitara) i Siarhiejem Kraŭčanka (pierkusija). Na rachunku kalektyva try dyski, u tym liku «Chmieleva Project» supolna z ŭkrainskim fołk-hurtom «DachaBracha».
Albom «Thou» (2014) atrymaŭ uznaharodu Experty.by jak najlepšy albom 2014 hoda, a taksama ŭznaharodu za najlepšy instrumientalny albom. Padarunkam pieramožcam ad «Atłant-Telekam» staŭ solny kancert. Albom byŭ vydadzieny na słavackim łejble Hevhetia, a niekalki tydniaŭ tamu hurt padpisaŭ mižnarodny kantrakt z kancertnym ahienctvam Charmenko, jakoje taksama pradstaŭlaje intaresy Horana Brehaviča, Manu Chao, Salifa Kiejta i inšych viadomych artystaŭ.
Ciapier čytajuć
Łukašenka niervova prakamientavaŭ vizit Cichanoŭskaj u Kijeŭ47
Kamientary