Homaseksualny chit «Harbataja hara» ŭ Miensku.
Harbataja hara (Brokeback Mountain)
ZŠA, 2005, kalarovy, 134 chv.
Žanr: Meladrama pavodle apaviadańnia Eni Prułks
Adznaka: 5,5 (z 10)
Pad niebam štatu Vajominh sustrakajucca dva kaŭboi, jakija paśviać aviečki na Harbataj hary. Adyli vyśviatlajecca, što hieroi nia zdolnyja žyć adzin biez adnaho...
Skandalna-markotnaja karcina Enha Li palitkarektna prystasavanaja da masavaj aŭdytoryi. Dla hiejaŭ – luboŭnaja historyja, dla mužčynaŭ-hieteraseksuałaŭ – siabroŭstva j ciažkaści siamiejnaha žyćcia, dla žančynaŭ – damski raman, akuratna pryčasany da adnapołych žarściaŭ. Zhodna ź ichnim kanonam, adzin z hierojaŭ imkniecca da sumiesnaha žyćcia, druhi – da hetaha nie hatovy. Adzin hinie – druhi płača ad bolu.
Chacia hieroi – kaŭboi, karcina nia vestern, a paparaściahnutaja epičnaja meladrama. U hetaj meladramie niašmat havorać, strymanyja žesty j pozirki, a pryroda Harbataj hary začaroŭvaje.
Hieroi karciny – pryhažuny Hit Łedžer (taksama viadomy, jak hieroj «Kazanovy») i Džejk Džylenchał (novaja zorka).
Amerykanski film pra niestandartnych kaŭbojeŭ zdajecca dla nas dalokim. Ale pazałačonaja historyja («Załaty leŭ», «Załaty hlobus», «Oskar» za muzyku) – padazrona nahadvaje sacrealistyčny kanon z «praletarska-błakitnymi» intanacyjami. Navat žonki hierojaŭ vyhladajuć «klasava čužymi» persanažami (film užo abvinavacili ŭ «neamarksisckaj homaseksualnaj prapahandzie»).
«Sacrealistyčnaja» «Harbataja hara» – karcina nudnavataja, karektna-trahičnaja i z akuratnym stylovym falšam, što nia vyprastaje i mahiła.
Seansy:
Mienski kinateatar «Pieramoha» 24-25 krasavika a 20.30;
26-30 krasavika – 16.10, 18.50.
Ilhotny seans – 30 krasavika 16.10.
Andrej Rasinski
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1818
Kamientary