«Halereja Ŭ» (pr.Niezaležnaści, 37a). Pačatak 19.00.
U prahramie:
- faŭny i babry;
- narnijskaja muzyka;
- čytańnie knihi akciorskaj paraj Charłančukoŭ-Južakovych; raspovied stvaralnikaŭ pierakłada;
- haračyja napoi i sałodkija pačastunki;
- i hałoŭnaje: mahčymaść aformić pieradzamovu knihi pa źnižanaj canie. Nakład budzie hatovy ŭ sakaviku.
Uvachod volny.
Inicyjatarami vydańnia «Chronik Narnii» pa-biełarusku stali Alaksiej Šein i Andrej Kim.
Sieryja knih pra Narniju karystajecca vialikaj papularnaściu va ŭsim śviecie. Da 2006 hoda było pradadziena bolš za 100 miljonaŭ kopijaŭ na 41 movie. I voś čarhovaj movaj, na jakoj vychodzić hetaja cudoŭnaja historyja, stanovicca biełaruskaja.
Aŭtar pierakładu – Nadzieja Kim. Vokładku dla biełaruskaha vydańnia stvaryŭ viadomy hrafik Raman Sustaŭ. U knizie vykarystoŭvajucca kłasičnyja ilustracyi samaha pieršaha vydańnia «Chronik Narnii», jakija rabiła słynnaja anhielskaja mastačka Paŭlina Bejns. Kniha vychodzić u vydaviectvie «Pazityŭ-centr».
«Chroniki Narnii» — załataja kłasika brytanskaj litaratury. K. S. Ljuis razam z Dž. R. R. Tołkinym (tryłohija «Uładar piarścionkaŭ») ličacca zasnavalnikami i najlepšymi pradstaŭnikami žanra fentezi.
Pieršaja častka «Chronik» — «Plamieńnik Čaraŭnika» raspaviadaje pra stvareńnie dzivosnaj krainy Narnii i pra toje, jak ludzi ŭpieršyniu trapili tudy.
Prezientacyja adbyvajecca pry padtrymcy ambasady Vialikabrytanii.
Kamientary