Biełaruskija navukoŭcy raspracavali ŭzmacnialniki preparataŭ suprać raka
Uzmacnialniki procipuchlinnych preparataŭ raspracavali ŭ Biełarusi, paviedamiŭ BiełTA administratar prajekta, navukovy supracoŭnik Instytuta fizika-arhaničnaj chimii Nacyjanalnaj akademii navuk Alaksiej Klackoŭ.
«My raspracavali ŭzmacnialnyja dadatki dla viadomych bijałahična aktyŭnych złučeńniaŭ, naprykład, dla procipuchlinnych preparataŭ. Naša raspracoŭka moža prynieści vialikuju karyść u farmindustryi», — raspavioŭ Alaksiej Klackoŭ.
Sintezavanyja navukoŭcami dadatki zdolnyja pavyšać efiektyŭnaść bijałahična aktyŭnych rečyvaŭ.
«Kali ŭdasca źnizić normy raschodu procipuchlinnych preparataŭ, kancentracyju, pry jakoj nadychodzić terapieŭtyčny efiekt, to budzie pavyšacca ŭzrovień žyćcia chvorych padčas terapii. My miarkujem, što ŭ pierśpiektyvie naša raspracoŭka dazvolić stvaryć kambinavanyja preparaty, jakija nie buduć sastupać pa efiektyŭnaści ŭžo isnujučym, ale pry hetym kolkaść pabočnych efiektaŭ skarocicca i pamienšycca nahruzka na arhanizm pacyjenta», — zaznačyŭ administratar prajekta.
Raspracoŭka vysoka acenienaja ekśpiertami. Prajekt zaniaŭ treciaje miesca ŭ naminacyi «Najlepšy moładzievy inavacyjny prajekt» respublikanskaha konkursu inavacyjnych prajektaŭ 2016 hoda.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary