25 červienia napiaredadni Dnia niezaležnaści Respubliki Biełaruś pa zaprašeńni ministra zamiežnych spraŭ Uładzimira Makieja kiraŭniki dypłamatyčnych misij, akredytavanych u krainie, razam ź siemjami pryniali ŭdzieł u śviacie «Dzień biełaruskaj vyšyvanki», paviedamlaje pres-słužba biełaruskaha zamiežnapalityčnaha viedamstva.
U svaim vystupie U.Makiej padkreśliŭ važnaść praviadzieńnia takich mierapryjemstvaŭ, nakiravanych na zachavańnie i papularyzacyju biełaruskaj samaidentyčnaści.
«Dobra, što siońnia my majem mahčymaść viarnucca da historyi, viarnucca da našych karanioŭ, — skazaŭ ministr. — Ja liču, što naša siońniašniaja sustreča — heta taksama vaš układ u raźvićcio biełaruskaj identyčnaści, u raźvićcio biełaruskaj dziaržavy».
Ministr adznačyŭ, što charakternyja rysy nacyjanalnaha charaktaru biełarusaŭ — miralubnaść i niekanfliktnaść — prajaŭlajucca i ŭ nacyjanalnych arnamientach našaj krainy, jakija pa svajoj sutnaści nakiravany vyklučna na mir i stvareńnie.
U.Makiej źviarnuŭ uvahu prysutnych, što našy arnamienty abjadnoŭvajuć biełarusaŭ ź inšymi słavianskimi narodami. «Siońnia prahučała jašče adna ideja: pravieści mierapryjemstva, na jakoje ŭsie pryjduć u svaich nacyjanalnych kašulach, u svajoj nacyjanalnaj vopratcy», — prapanavaŭ ministr.
Kiraŭnik zamiežnapalityčnaha viedamstva Biełarusi taksama vykazaŭ nadzieju, što tradycyja, jakaja była zakładziena siońnia, budzie i dalej zachoŭvacca i raźvivacca.
Uvazie ŭdzielnikaŭ taksama była pradstaŭlena demanstracyja vyrabaŭ ź lonu z fondaŭ «Biełaruskich mastackich promysłaŭ» i pryvatnych kalekcyj.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary