U Rasii pakazali VIDEA zapusku rakiety, chutkaść jakoj u 10 razoŭ pieravyšaje chutkaść huku
Rasija zajaviła, što paśpiachova zapuściła hipierhukavuju rakietu, zdolnuju nieści jadziernuju bojehałoŭku, pieradaje Daily Mail. Videa zapusku dastupnaje ŭ internecie.
Hipierhukavaja vysokadakładnaja rakieta «Kinžał» zdolnaja raźvivać chutkaść bolš za 12 tysiač kiłamietraŭ za hadzinu i paražać abjekty ŭ radyusie kala 2 tysiač kiłamietraŭ. Rakieta była zapuščana sa zvyšhukavoha źniščalnika-pierachopnika MiH-31, jaki ŭźlacieŭ z aeradroma ŭ Paŭdniovaj vajennaj akruzie. «Zapusk prajšoŭ pa płanie, hipierhukavaja rakieta paraziła cel», — paviedamili ŭ Minabarony Rasii.
Na videa dva piłoty spačatku rychtujucca da palotu, a zatym biahuć da samalota, uzbrojenaha masiŭnaj rakietaj. Padčas palotu rakieta adździalajecca ad samalota i lacić pa niebie, pakidajučy vohnienny śled zzadu siabie. Paviedamlajecca, što było praviedziena kala 250 trenirovačnych palotaŭ u rozny čas sutak, pry lubych umovach nadvorja.
Rakieta «Kinžał» stała adnym z novych vidaŭ zbroi, pradstaŭlenych Pucinym padčas jaho pasłańnia Fiederalnamu schodu ŭ pačatku sakavika, napiaredadni prezidenckich vybaraŭ.
Kamientary