Futbalisty BATE praviali treniroŭku ź dziciačaj kamandaj KIA FOTY
Treniroŭka prajšła ŭ Barysavie napiaredadni pieršaha ŭ historyi BATE matča z anhlijskim «Čełsi». Pad kiraŭnictvam kapitana Ihara Stasieviča i lehiendarnaha paŭabaroncy Alaksandra Hleba 21 kastryčnika futbalisty zajmalisia z chłopčykami i dziaŭčynkami z KIA Team, a ŭžo 25 kastryčnika barysaŭskaja kamanda sustreniecca z «Čełsi» na stadyjonie ŭ Łondanie.
Jak prajšła raźminka pierad vyjaznym matčam Lihi Jeŭropy? I chto ź biełaruskich dziaciej adkryje chatni matč BATE z «Čełsi»? U repartažy.
Kamanda KIA — heta adzinaccać chłopčykaŭ i dziaŭčynak 8-12 hadoŭ, hatovych dziela zaniatkaŭ lubimym sportam na śmiełyja i časam niaprostyja ŭčynki. Usie jany padali zajaŭki, kab vynieści miač na chatniuju hulniu BATE z «Čełsi» i ździvili svajoj nastojlivaściu nie tolki KIA Motors, arhanizataraŭ konkursu, ale i ŭdzielnikaŭ znakavaha matča, jaki adbudziecca 8 listapada na «Barysaŭ-Arenie».
«My atrymali 506 kranalnych, śmiešnych i sumnych historyj ad dziaciej z usich kutkoŭ Biełarusi. Z kožnym novym listom my ŭsio bolš pierakonvalisia, što kožnaje dzicia vartaje stać «Junym arbitram KIA» i adkryć hety matč, — raspaviadaje Volha Sikorskaja, kiraŭnica adździeła markietynhu KIA ŭ Biełarusi i arhanizatarka prajekta. — My pieradali ŭsie listy futbalistam i paprasili ich vybrać nie adnu, a cełych 11 historyj pra addanaść futbołu, a taksama zaprasić hetych dziaciej da siabie ŭ hości na trenirovačnuju bazu».
Dziesiacihadovy Illa na treniroŭkach pravodzić uvieś volny čas i navat navučyŭ babulu bić pa varotach. Dzieviacihadovaja Valeryja dziela lubimaj hulni admoviłasia ad baleta i zapisałasia ŭ kamandu da chłopčykaŭ, a Vitalik u vosiem hadoŭ nie baicca samastojna dabiracca z Fanipala ŭ Minsk na hramadskim transparcie. Hetyja dzieci, a taksama jašče 8 chłopčykaŭ i dziaŭčynak ź Minska i Minskaha rajona ŭ składzie KIA Team apynulisia na treniroŭcy z futbalistami BATE.
11 futbalistaŭ asnoŭnaha składu, siarod jakich kapitan kamandy Ihar Stasievič i najlepšy bramnik minułaha čempijanatu Biełarusi Dzianis Ščarbicki, sustrelisia ź dziećmi, kab raskazać pra toje, što sami pieraadolvali ŭ dziacinstvie, kab stać futbalistami. A paśla praviali pałutarahadzinnuju treniroŭku — z raźminkaj, praktykavańniami na vynoślivaść i dakładnaść, a taksama hulnioj 11 na 11.
Sačyŭ za paradkam na pole hałoŭny trenier futbolnaha kłuba BATE Alaksiej Baha. Znajšoŭ čas u svaim ščylnym hrafiku i Alaksandr Hleb. Jaho dzieci čakali z asablivym nieciarpieńniem i navat padrychtavali padarunki.
Paśla treniroŭki Alaksandr Hleb i Alaksiej Baha abrali «Junaha arbitra KIA». Im staŭ 10-hadovy Hleb Udovin z Žodzina.
Dva hady tamu chłopčyk surjozna zachvareŭ: jamu daviałosia prajści kurs chimijaterapii i pierajści na chatniaje navučańnie. Adnaŭleńnie zaniało niamała času, i šmat u čym pośpiech vyznačyła zachapleńnie futbołam. Chłopčyk spačatku zacikaviŭsia teoryjaj hulni, šmat hladzieŭ i čytaŭ, a paśla pačaŭ treniravacca… prosta ŭ kvatery. Niahledziačy na boli ŭ śpinie i nahach. Hetaj viasnoj jon sabraŭ svaju kamandu pa dvarovym futbole i za paŭhoda staŭ najlepšym bramnikam rajona. Nastupny krok da mary junaha spartsmiena — adkryćcio matču Lihi Jeŭropy, jana spoŭnicca dziakujučy KIA Motors 8 listapada.
Kamientary