Jak vyhladaje zakryty katedžny pasiołak za Nacyjanalnaj biblijatekaj, u jakim žyvuć Vasil Žarko i Pavieł Bieły FOTY
Staličnyja katedžnyja pasiołki — jakimi b elitnymi jany nie byli — zastajucca adkrytymi dla luboha achvotnaha. Kožny moža prajścisia pa Drazdach i pahladzieć na ŭłasnyja vočy, jak žyvuć Michaił Miaśnikovič ci Ihar Šunievič.
Adnak jość litaralna niekalki vyklučeńniaŭ. Adzin z takich prykładaŭ — vulica Jaŭhiena Hlebava ŭ kvartale za Nacyjanalnaj biblijatekaj. Heta toj samy katedžny pasiołak, u jakim atabaryŭsia kolišni ministr achovy zdaroŭja i vice-premjer Vasil Žarko.
Zvyčajny minčuk naŭrad ci trapić u hety śviet bahaciejaŭ — uvieś pierymietr aharodžany, a adziny ŭvachod zakryty šłahbaumam.
Katedžny pasiołak buduje kampanija «Tapas», viadomaja pieradusim asobaj biznesmiena Paŭła Biełaha. Jon adzin z najlepšych chakieistaŭ kamandy Alaksandra Łukašenki, hulaje ź im u adnoj trojcy.
Biełamu naležyć 88% statutnaha fonda «Tapasa». Jašče 10% u jaho biznes-partniora Alaksandra Savickaha. Rešta raskidanaja pamiž niekalkimi jurydyčnymi asobami.
Katedžy ŭ pasiołku kaštavali da $1,2 miljona ŭ zaležnaści ad płoščy.
Što ŭjaŭlaje saboj zakrytaja vulica Hlebava? Hladzicie fotarepartaž «Našaj Nivy».
Pramoj zabarony na ŭvachod i prajezd niama, ale achova pilnuje niaprošanych haściej. Kantrolna-prapuskny punkt znachodzicca pravaruč.
Rušym uzdoŭž vulicy Hlebava. Tut uščylnuju stajać try padobnyja damy.
Voś jak vyhladajuć z advarotnaha boku hetyja samyja try damy.
Dalej vulica Hlebava zavaročvaje naprava. Bolšaść damoŭ tut užo pradadzienyja. Chto tut žyvie? Dva zasnavalniki bujnoha pradpryjemstva z Barysava, biznesmien ź Livana… Jość hramadzianie i Rasii, i Ukrainy.
Ale dla biełaruskaha hramadstva najbolšy intares vyklikaje, kaniečnie, katedž Vasila Žarko. Letaś eks-čynoŭnik praskočyŭ mima kroplaŭ daždžu — byli zatrymanyja dziasiatki vysokapastaŭlenych miedykaŭ, adnak jon, kolišni ministr achovy zdaroŭja, zastaŭsia na svabodzie.
Čytajcie:
Pa śladach Pastajałki: jak Vasil Žarko zrabiŭ karjeru ministra achovy zdaroŭja
Vice-premjer Vasil Žarko dabudavaŭ katedž na 500 m2 u zakrytym elitnym pasiołku
Dačka Vasila Žarko — dyrektarka modnych sałonaŭ pryhažości FOTY
Katedž Vasila Žarko mocna adroźnivajecca ad inšych damoŭ, pabudavanych u adzinym architekturnym styli. Sprava ad jaho — adzin z damoŭ Paŭła Biełaha (ich tut niekalki).
Zboku ad doma Žarko — nievialikaje razvarotnaje koła. Heta tupik.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim16
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3434
Kamientary