Na sajcie syna Babaryki hrošy na štraf učarašniamu pikietoŭcu ludzi sabrali za 10 chvilin
Usiaho 10 chvilin zaniaŭ zbor hrošaj na vypłatu štrafu žycharu Minska Jaŭhienu Hormašu na Molamola.by.
Viełasipiedysta Hormaša schapili i asudzili za toje, što jon kryčaŭ «Hańba!» i «Soram!» na adras supracoŭnikaŭ DAI — apošnija spyniali mašyny, što sihnalili ŭ znak salidarnaści ź ludźmi, jakija stajali ŭ čerhach, kab addać podpis za alternatyŭnych kandydataŭ.
Hormaša spačatku adbili ludzi na vulicy, ale paśla milicyjanty ŭsio ž złavili jaho ŭ dvary i addali pad sud, jaki vypisaŭ jamu 1350 rubloŭ štrafu (heta našmat bolš za siaredniamiesiačny zarobak biełarusa).
Tady Hormaš źmiaściŭ prośbu dapamahčy jamu z vypłataj hetaha štrafu na sajcie Molamola.by.
«Dziŭna toje, što składzienyja na mianie pratakoły zusim nie apisvajuć hety incydent z DAI. U ich ni słova pra DAIšnikaŭ i kanflikt ź imi. Skłali try pratakoły: drobnaje chulihanstva, niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ, parušeńnie paradku arhanizacyi abo praviadzieńnia masavych mierapryjemstvaŭ», — napisaŭ Hormaš.
Vynik pieravysiŭ jaho čakańni. Sumu jamu naźbirali za 10 chvilin, a na hety momant jamu ŭžo nakidali 2350 rubloŭ. Bolšaść ludziej achviaravała pa 5—10 rubloŭ, usiaho jon atrymaŭ dapamohu ad 230 čałaviek.
Cikava, što kraŭdfandynhavuju płatformu Molamola.by stvaryŭ Eduard Babaryka — syn bankira i miecenata Viktara Babaryki, jaki ciapier uznačalvaje inicyjatyŭnuju hrupu pa jaho vyłučeńni ŭ prezidenty.
Hormaš abiacaje pieradać reštu hrošaj na dapamohu inšym represavanym aktyvistam «Krainy dla žyćcia».
Kamientary