Davydźka: Adurmanienyja chłopcy bieł-čyrvona-biełaj brytvaj pierarazajuć horła svajoj radzimie
Deputat Pałaty pradstaŭnikoŭ Hienadź Davydźka naviedaŭ miedyjaforum u Sočy, dzie padzialiŭsia z udzielnikami svaim bačańniem situacyi ŭ Biełarusi, pieradaje sb.by.
— My ŭsie razumiejem, što ŭ Biełarusi nie kanflikt ułady i naroda. Toje, što my bačym, heta daŭni kanflikt cyvilizacyj. Kanflikt sukupnaha Zachadu i Uschodu, anhłasaksonskaj i słavianskaj cyvilizacyj.
Mnohija bai ŭ hetaj vialikaj vajnie byli prajhranyja. Heta i raździelenaja Juhasłavija, i zahinułaja Ukraina, i ataka na Sierbiju, Čarnahoryju, jakaja nie viedaje, jak siabie pavodzić, kab zachavać choć niešta… I tak atrymałasia, što ciapier maja Radzima akazałasia polem dla bitvaŭ.
Ludzi, jakija chodziać pa biełaruskich vulicach, poŭnyja emocyj i nadziej. Jany nie zusim razumiejuć, adkul uzialisia emocyi i što za nadziei imi kirujuć. Ale tym nie mienš u ich harać vočy, jany adčuvajuć radaść ad stasunkaŭ, tamu što ŭ ich źjaviłasia niejkaje miesca dla podźvihu, źjavilisia hieroi ciapierašniaha času.
Nie budziem zabyvać, što toje, što adbyvajecca ŭ Biełarusi, — heta vialikaja pradumanaja apieracyja. Da prykładu, jašče padčas pierapisu 2017 hoda było abličbavana prykładna 10 pracentaŭ nasielnictva krainy. Była stvorana ličbavaja baza dla napadu na Biełaruś. U nastupnyja hady z hetymi ludźmi viałasia praca, u asnoŭnym u kamunikacyjnych miesiendžarach. Asablivaja ŭvaha nadavałasia tym, chto pracuje na važnych dla dziaržavy pradpryjemstvach.
Kali havaryli pra treciuju suśvietnuju vajnu, nie mierkavali, što jana budzie vieścisia na infarmacyjnym poli. I na hetym poli my pakul prajhrajem. Adziny šlach vyratavańnia suvierenitetu, niezaležnaści Biełarusi ja baču ŭ budaŭnictvie Sajuznaj dziaržavy. Pakul hetyja adurmanienyja chłopcy bieł-čyrvona-biełaj brytvaj pierarazajuć horła svajoj radzimie, zadača žurnalistaŭ, miedyjnych pierson pavysić svoj prafiesijanalizm i pracavać razam z rasijskimi ŚMI. Jak parłamientaryj, ja źbirajusia hetym surjozna zajmacca.
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami15
Kamientary