Nina Bahinskaja, «čyje ściahi zastanucca ŭ historyi Biełarusi», stała łaŭreatkaj štohadovaj premii «Ludzi Cvabody — 2020». Biełaruskaja słužba Radyjo Svaboda štohod uručaje hetuju ŭznaharodu tym, «chto pašyraje miežy svabody dla siabie, Biełarusi, śvietu».
«Škada, što časy stalinizmu paŭtarajucca ciapier u peŭnym sensie. Ale jość spadzieŭ, što nieŭzabavie my ŭsie budziem žyć u demakratyčnaj krainie ź dziaržaŭnym bieł-čyrvona-biełym ściaham i biełaruskaj movaj, jakaja zahučyć paŭsiudna, — skazała Nina Bahinskaja, atrymlivajučy ŭznaharodu. — Ja vieru, što druhi vitok adradžeńnia, jakoje pačałosia ŭ 1991 hodzie, spraŭdzicca i my ŭrešcie pieramožam. Kab pierakanacca ŭ hetym, dastatkova panazirać za ŭsimi tymi ludźmi, jakija ŭpadabali našyja histaryčnyja bieł-čyrvona-biełyja kolery i paŭstali pad imi».
Pa słovach łaŭreatki, kali Biełaruś zachavaje bieł-čyrvona-bieły ściah, jana zachavaje i niezaležnaść. «Ciapier u pastarunkach našyja ściahi źnievažajuć, ale heta projdzie. Naroda bolš, čym hetych słužak režymu. Dziakuj usim, chto nie tolki ŭ Biełarusi, ale va ŭsich kancach śvietu vychodzić ź bieł-čyrvona-biełymi ściahami».
Papiarednija łaŭreaty:
— 2019 «Maci 328» i i ŭsie tyja, chto zmahajecca za pravy źniavolenych pavodle antynarkatyčnaha artykuła
— 2018 Śviatłana Koržyč, maci sałdata Alaksandra Koržyča, jaki trahična zahinuŭ u vojsku
— 2017 Biełarusy, jakija «łomiać stereatypy pra ludziej ź invalidnaściu»
-
Antanina Kanavałava raskazała, jak jaje prymušali padpisać prašeńnie pra pamiłavańnie
-
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie
-
«Chapaj jaje za azadak, zaciahni ŭ tualet». U Varšavie zajavili ŭ prakuraturu na pikap-treniera ź Biełarusi Aleksa Leśli
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie19
Kamientary