Volha Karač abjaviła ab stvareńni «šyrokaj kaalicyi», ale potym pieradumała
Na sajcie inicyjatyvy «Naš dom», a taksama ŭ sacyjalnych sietkach arhanizacyi 19 maja źjaviłasia paviedamleńnie ab stvareńni «šyrokaj hramadzianskaj kaalicyi». Praŭda, potym čamuści źnikła.
Za «Našym domam» staić Volha Karač, adna z błohieraŭ, jakaja žyvie ŭ Vilni. «Kaalicyja stvarajecca pa pryncypie roŭnaści, a ŭ «bajavoj» abstanoŭcy buduć bačnyja bolš aktyŭnyja členy kamandy, jakija i stanuć lidarami, uvojduć u skład časovaha ŭrada. Paśla kančatkovaj damoŭlenaści ab palityčnym subjekcie płanujecca zapusk rekłamy siłavoha błoka, jaki ludzi zmohuć padtrymać finansava», — adznačyła Volha Karač.
Chto ž uvojdzie ŭ hetuju kaalicyju? Nazyvajucca nastupnyja arhanizacyi — «Busły laciać», Družyny narodnaj samaabarony (DNS), a taksama Atrady hramadzianskaj samaabarony Biełarusi (AHSB). Heta ŭsio dastatkova małalikija supołki ŭ telehramie. Jany pazicyjanujuć siabie ŭ jakaści radykałaŭ i nie zhodnyja z toj palitykaj, što pravodzić Cichanoŭskaja.
Toj ža DNS i «Busły laciać» na svaich staronkach u sacyjalnych sietkach aktyŭna pijaryŭ aryštavany pa spravie zmovy suprać Łukašenki Juraś Ziankovič. Usie hetyja supołki pazicyjanujuć siabie ŭ jakaści «siłavikoŭ», ale vielmi ciažka mierkavać, ci jość tam sapraŭdy siłaviki, dziejnyja ci chacia b byłyja.
«Nievialikija roznahałośsi jość, ale ŭsim zrazumieła adno i ŭ čym usie sychodziacca — treba jak maha chutčej vypuścić usich źniavolenych pa palityčnych matyvach, maksimalna chutka pravieści novyja vybary. Uvosień dadasca jašče adno važnaje i składanaje pytańnie — aciaplalny siezon, tamu treba paśpieć zaviaršyć spravy da hetaha pieryjadu», — prakamientavała Karač.
Taksama kiraŭnica «Našaha doma» kaža, što budzie rada dałučeńniu da kaalicyi Śviatłany Cichanoŭskaj. Čamuści praz paru hadzin hetaje paviedamleńnie paŭsiul paźnikała.
-
«Adzin raz za sto hadoŭ prajechaŭ na transparcie». Žycharu Mahilova ŭ aŭtobusie dali zdaču rasijskimi manietami
-
Vučniaŭ, jakija z matam parvali ekzamienacyjnyja bilety pa historyi Biełarusi, zastavili vybačacca kala manumienta Pieramohi
-
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič
Ciapier čytajuć
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič5
Kamientary