Navalny nazvaŭ Pucina «biezumnym mańjakom» i zaklikaŭ da masavych antyvajennych pratestaŭ
Apazicyjny rasijski palityk Alaksiej Navalny, jaki ciapier adbyvaje termin u turmie, nazvaŭ «samymi važnymi ludźmi na płaniecie» tych rasijan, jakija vychodziać ciapier na antyvajennyja mitynhi. Bo «varjackaha mańjaka Pucina» moža najchutčej za ŭsich spynić narod Rasii, kali vystupić suprać vajny.
Baraćba ciažkaja, pryznaje palityk, supravadžajecca stracham i aryštami, ale jana nie idzie na hłum, heta nie simvaličny žest adčaju. Bo navat pavodle prydvornaj sacyjałohii antyvajenny ruch užo padtrymlivaje kožny treci, navat da taho, jak dobra taki ŭvajšli ŭ dziejańnie sankcyi i adbyłasia ekanamičnaja katastrofa. I nie pajšli masava truny zabitych sałdat.
«Kažu vam jak telehladač. Navat aficyjnuju ličbu strataŭ armii RF — 498 čałaviek — pa televizary nie nazvali ni razu. Karcina taho, što adbyvajecca, malujecca pucinskaj prapahandaj: zahinułych amal niama z abodvuch bakoŭ, ukrainskaja armija raźbiehłasia, razbureńniaŭ amal niama, dzie-nidzie zasieli «bandy nacystaŭ», ale ich chutka źniščać. Ukraincy sustrakajuć ruskija tanki kvietkami.
Žyć takoj karcinie śvietu-navat u hałovach samych tupych i ŭpiortych zastałosia niadoŭha. Usio: ad cenaŭ u kramach da rydajučaj susiedki, čyj svajak zahinuŭ ni za što, sprabujučy zabić niavinnaha, — budzie nahadvać pra toje, što idzie biessensoŭnaja bojnia».
I tady, maŭlaŭ, kožny zrazumieje, što tych, chto suprać vajny — bolšaść, i jość da kaho dałučacca, kab prymusić Pucina spynić jaje.
Tamu, na dumku Navalnaha, «treba vychodzić na antyvajennyja mitynhi kožnyja vychadnyja, navat kali zdajecca, što ŭsie albo źjechali, albo spałochalisia. Navat kali vy adzin na adzin, vy — toj, da kaho možna dałučycca. Vy — asnova ruchu suprać vajny i śmierci. Vy — samy važny čałaviek na płaniecie».
Zbor pryznačany na 13 sakavika, 14.00, na hałoŭnych płoščach rasijskich haradoŭ.
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary