«Chiezbała» maje adpravić bajevikoŭ na vajnu z Ukrainaj. Praź Biełaruś
«Novaja hazieta» sa spasyłkaj na telekanał «Al Chadas» paviedamlaje, što rasijskaja pryvatnaja vajskovaja kampanija «Vahnier» viadzie pieramovy z šyickaj uzbrojenaj hrupoŭkaj «Chiezbała» ab adpraŭcy bajevikoŭ va Ŭkrainu.
Pa dadzienych «Al-Chadas», «Vahnier» damoviŭsia z pradstaŭnikami «Chiezbały» ab adpraŭcy 800 bajevikoŭ va Ukrainu dla viadzieńnia bajavych dziejańniaŭ. Płata za najom adnaho bajca składzie 1500 dołaraŭ za miesiac.
U jakaści bonusa da hetaha rašeńnia «Chiezbała» i apasrodkavana praź jaje Iran mohuć atrymać niejkija prefierencyi pa bujnych ździełkach.
Pieršy etap adpraŭki bajevikoŭ va Ukrainu płanujecca, pavodle źviestak miascovych ŚMI, na aŭtorak, 29 sakavika.
200 bajcoŭ nibyta buduć pierakinuty z Damaska na vajennuju avijabazu ŭ Homielskaj vobłaści.
Padraździaleńni «Chiezbały», jakija adpraŭlajucca va Ukrainu, mohuć apynucca surjoznym faktaram upłyvu na sam chod «śpiecapieracyi», piša «Novaja hazieta». «Chiezbała» — zhurtavanaja, umiełaja, sučasnaja armija prykładnoha dziejańnia.
Pa sutnaści, bajavyja dziejańni - heta ład žyćcia «Chiezbały». Ad bajavoha dośviedu naŭprost zaležyć dabrabyt čalca «Chiezbały», uzrovień žyćcia jaho siamji, jaho sacyjalnaje stanovišča.
Na dadzieny momant armija «Chiezbały» naličvaje kala 100 tysiač bieśpierapynna vajujučych bajcoŭ. U mnohich krainach śvietu jana pryznana terarystyčnaj arhanizacyjaj.
Navina ab adpraŭcy bajevikoŭ va Ukrainu ŭstupaje ŭ supiarečnaść z tym, što hienieralny sakratar «Chiezbały» Chasan Nasrała kazaŭ u telezvarocie na minułym tydni. Tady jon nastojvaŭ, što «Chiezbała» kateharyčna admaŭlaje ŭsiakuju mahčymaść ułasnaha ŭdziełu ŭ padziejach va Ukrainie.
Zrešty, piša «Novaja hazieta», «Chiezbała» i raniej admaŭlała mahčymaść udziełu ŭłasnych členaŭ u bajavych dziejańniach u zamiežnych krainach - u Siryi, Bośnii, Palestynie, Jemienie i Iraku. I kožny raz pryznavałasia ŭ adpraŭcy bajevikoŭ.
Ale na hety raz akaličnaści inšyja i staŭki vyšejšyja. Voś jak čytajuć hetuju navinu na Blizkim Uschodzie: «Chiezbała» pry padtrymcy svaich iranskich sponsaraŭ nakiroŭvaje vojski suprać prezidenta z habrejskimi karaniami, jakoha pry hetym adkryta padtrymlivaje Izrail (…)».
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary