«Biełaruśfilm» rychtuje čatyry mastackija filmy. Pra heta paviedamiŭ žurnalistam hienieralny dyrektar kinastudyi Uładzimir Karačeŭski, pieradaje BiełTA.
«Z 2021 pa 2022 hod my padrychtavali i pradstavili hledačam šeść prajektaŭ. Niekatoryja ź ich hladač jašče ŭbačyć. Niekatoryja prajekty čakaje fiestyvalnaja historyja. Akramia taho, ciapier idzie praca nad čatyrma mastackimi filmami. Heta dźvie žanravyja kamiedyi, adzin biełaruska-ŭźbiekski bajavik «Kaźbiek» i nacyjanalny prajekt «My adzinyja», — raskazaŭ Uładzimir Karačeŭski.
Najbolš intryhoŭnaja — apošniaja pazicyja. Vidać, heta novy prajekt, jakim biełaruskaja prapahanda mastackimi srodkami choča ździvić śviet. Film maje histaryčny siužet i na fonie antyzachodniaj u cełym i antypolskaj u pryvatnaści rytoryki apošniaha času jaho tematyka vyhladaje palityčna aktualnaj.
«Nacyjanalny film «My adzinyja» — heta 1925 hod, ciažki čas polskaj akupacyi. Paśla mirnaha Ryžskaha dahavora ŭsia zachodniaja častka Biełarusi apynułasia pad uładaj palakaŭ, jakija imknulisia pravieści chutki praces asimilacyi. Vykaranić na zachoplenych terytoryjach biełaruskuju kulturu, movu, piśmo, pravasłaŭnuju vieru. Hałoŭny hieroj historyi — małady čałaviek, biełarus Pavieł Bojka. Śmierć blizkaha čałavieka prymušaje hieroja zadumacca ab prostych čałaviečych kaštoŭnaściach, ab blizkich, ab radzimie», — raskazali ab siužecie ŭ «Biełaruśfilmie».
Aŭtara scenaryja i režysiora-pastanoŭščyka hetaha filma zavuć Ivan Kryvaručka, mastacki kiraŭnik — Alaksandr Jafremaŭ. Ciapier idzie padrychtoŭka da zdymak.
-
U Muziei Volnaj Biełarusi pakažuć 19 aryhinalnych litahrafij Napaleona Ordy
-
Cyrulnik i piśmieńnik Siarhiej Kalenda: «Jość ludzi, jakija kažuć: «Paśla takoj knihi ja b nie pajšoŭ da vas stryhčysia»
-
Na dziaržaŭnym telebačańni prahučała «Kupalinka» — jaje vykanaŭ sierbski ijeramanach, jaki šmat hadoŭ žyvie ŭ Biełarusi
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary