Miadźviedzieŭ pryhraziŭ, što Rasija prymienić jadziernuju zbroju, kali budzie prajhravać vajnu va Ukrainie
Namieśnik staršyni Savieta biaśpieki Rasii Dźmitryj Miadźviedzieŭ prakamientavaŭ zajavy ŭdzielnikaŭ Suśvietnaha ekanamičnaha forumu, jakija ličać mahčymym nastupleńnie miru va Ukrainie tolki paśla projhryšu Rasii.
Miadźviedzieŭ napisaŭ, što ŭ Ramštajnie «vialikija vajenačalniki buduć abmiarkoŭvać novuju taktyku i stratehiju, a taksama pastaŭki na Ukrainu novaha ciažkaha ŭzbrajeńnia i ŭdarnych sistem. I heta adrazu paśla forumu ŭ Davosie, dzie niedaraźvityja palityčnyja tusoŭščyki jak mantru paŭtarali: «Kab damahčysia miru, Rasija pavinna prajhrać».
Miadźviedzieŭ nahadaŭ, što Rasija zjaŭlajecca jadziernaj dziaržavaj. «Projhryš jadziernaj dziaržavy ŭ zvyčajnaj vajnie moža spravakavać pačatak vajny jadziernaj», — zajaviŭ jon.
«Jadziernyja dziaržavy nie prajhravali bujnych kanfliktaŭ, ad jakich zaležyć ich los», — napisaŭ namieśnik staršyni Savieta biaśpieki ŭ telehramie.
Pra toje, što dla miru ŭ rehijonie Rasija pavinna paciarpieć parazu ŭ vajnie z Ukrainaj, havaryŭ kancler Hiermanii Ołaf Šolc.
Miadźviedzieŭ apošnim časam vyłučajecca ahresiŭnaj militarysckaj i impierskaj rytorykaj.
-
Ministarka achovy zdaroŭja Šviecyi straciła prytomnaść na pres-kanfierencyi ŭ pieršy ž dzień znachodžańnia na pasadzie VIDEA
-
Čatyry čałavieki zahinuli, 90 paranienyja ŭ vyniku vybuchu aŭtacysterny ŭ Miechika
-
U ZŠA adpuścili dvuch zatrymanych pa padazreńni ŭ zabojstvie Čarli Kirka, pošuk strałka praciahvajecca
Ciapier čytajuć
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary