U Žłobinie nie spyniajucca sudovyja pracesy za ŭdzieł u akcyjach pratestu ŭ žniŭni 2020 hoda
U Žłobinskim rajonnym sudzie praciahvaje pracavać sudovy kanviejer pa kryminalnych spravach, zaviedzienych za ŭdzieł u akcyjach pratestu, jakija adbyvalisia 9 i 10 žniŭnia 2020 hoda. 6 sakavika sudzili Taćcianu Dziemčanku, paviedamlaje «Viasna».
Žančynu sudzili za arhanizacyju i padrychtoŭku dziejańniaŭ, jakija hruba parušyli hramadski paradak, abo aktyŭnym udziele ŭ ich (č. 1 art. 342 Kryminalnaha kodeksa).
Spravu razhladaŭ sudździa Jaŭhien Jerafiejeŭ.
Taćciana Dziemčanka — adna ź piaci zatrymanych u Žłobinie padčas milicejskaj abłavy, jakaja adbyłasia 13 śniežnia minułaha hoda. Tady byli zatrymanyja siłavikami znajomyja pamiž saboj Maryna Lachnovič, Taćciana Dziemčanka, Vadzim Kirjanaŭ, Nastaśsia Tatarynava i Kirył Kamaroŭ. Usich ich źmiaścili pad vartu.
Viadoma, što Nastaśsiu Tatarynavu asudzili 2 sakavika, Vadzima Kirjanava — 21 sakavika, adnak vyniki hetych sudovych pracesaŭ pakul nieviadomyja.
Taćciana Dziemčanka svaju vinu pryznała całkam, a sudu patłumačyła, što 9 žniŭnia 2020 hoda sumiesna sa svajoj siastroj uviečary vyrašyli vyjści na vulicu prahulacca, pry hetym nakiravalisia da haradskoj płoščy. Pa darozie ŭbačyli ludziej, jakija vykrykvali roznyja łozunhi, vykazvajučy niezadavolenaść chodam i vynikami vybaraŭ prezidenta 2020 hoda. Ludzi znachodzilisia jak na chodnikach, tak i na darozie, pierakryŭšy całkam prajeznuju častku. Jana taksama vyjšła na prajeznuju častku i nakiravałasia ŭ pieršyja šerahi natoŭpu. Transpart pa vulicy pierastaŭ jeździć. Kali supracoŭniki milicyi sa ščytami stali padychodzić bližej da natoŭpu, jana spałochałasia i ŭciakła dadomu.
Sud pryznačyŭ joj pakarańnie ŭ vyhladzie abmiežavańnia voli biez nakiravańnia ŭ papraŭčuju ŭstanovu adkrytaha typu na termin u adzin hod. Dziemčanku vyzvalili z-pad varty ŭ zale suda.
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady17
Kamientary