PAR ciapier kaža, što nie płanuje vychodzić z damovy ab Mižnarodnym kryminalnym sudzie dziela Pucina
Kancylaryja prezidenta Paŭdniova-Afrykanskaj Respubliki Siryła Ramaposy raspaŭsiudziła zajavu, što kraina nie płanuje vychodzić z Rymskaha statuta ab zasnavańni i pracedury Mižnarodnaha kryminalnaha suda, nasupierak zaŭvaham samoha kiraŭnika dziaržavy raniej u aŭtorak, paviedamlaje «Nastojaŝieje vriemia».
U žniŭni ŭ PAR pavinien prajści samit krain BRICS, na jaki pa statusie pavinny zaprasić i rasijskaha prezidenta. Paŭdniovaja Afryka pryznaje jurysdykcyju suda ŭ Haazie, jaki vydaŭ ordar na aryšt Uładzimira Pucina, i tamu farmalna abaviazanaja budzie vykanać hety ordar (zrešty, nijakich sankcyj za jaho nievykanańnie nie praduhledžana).
U kancylaryi śćviardžajuć, što ŭ kiroŭnaj partyi «Afrykanski nacyjanalny kanhres» (ANK) niapravilna vykazalisia. «Prezidenctva choča rastłumačyć, što Paŭdniovaja Afryka zastajecca padpisantam Rymskaha statuta… Heta tłumačeńnie vynikaje z pamyłki ŭ vykazvańniach padčas bryfinhu dla ŚMI, praviedzienaha kiroŭnaj partyjaj ANK», — havorycca ŭ kamiunikie, vypuščanym užo pozna ŭnačy pavodle miascovaha času.
Paŭdniovaja Afryka choča vyjści z-pad jurysdykcyi Mižnarodnaha kryminalnaha suda
Kanstytucyjny sud Armienii pryniaŭ abaviazańni Rymskaha statuta. Pucina mohuć aryštavać?
Kamientary