Zdaroŭje22

Navukoŭcy: Novy mietad vyjaŭleńnia raku pa analizie kryvi daje dobryja vyniki. 2 z 3 dyjahnazaŭ słušnyja

Vyprabavańni mietadu dyjahnostyki raku z dapamohaj analizu kryvi pakazali šmatabiacalnyja vyniki. Pra heta paviedamlaje kamanda brytanskich i amierykanskich navukoŭcaŭ, jakija pracujuć nad prajektam.

Pra novuju raspracoŭku abviaścili viasnoj 2020 hoda. Z dapamohaj prostaha analizu kryvi navukoŭcy spadziajucca vyjaŭlać bolš za 50 vidaŭ ankałahičnych zachvorvańniaŭ na rańnich stadyjach, jašče da źjaŭleńnia simptomaŭ, piša Bi-bi-si.

Maštabnyja vyprabavańni pačalisia ŭ 2021 hodzie ŭ Brytanii i ZŠA.

Brytanskija navukoŭcy paviedamlajuć, što siarod piaci tysiač čałaviek, jakija naziralisia ŭ daktaroŭ ahulnaj praktyki z padazreńniem na simptomy ŭ Anhlii i Uelsie, test biespamyłkova vyjaviŭ rak u kožnych dvuch vypadkach z troch.

U 85% vypadkaŭ jon taksama pravilna vyznačyŭ łakalizacyju puchliny.

Miechanizm testu, jakomu dali nazvu «Halereja», zaklučajecca ŭ tym, što jon šukaje prykmiety chimičnych źmianieńniaŭ, jakija traplajuć z puchliny ŭ kroŭ, u hienietyčnym kodzie — DNK.

Navukoŭcy padkreślivajuć, što praca nad mietodykaj dalokaja ad zakančeńnia, ale ŭžo paśla pieršaj stadyi vyprabavańniaŭ možna śćviardžać, što kolkaść vyratavanych pacyjentaŭ uzraście.

Test taksama źnimie nahruzku na sistemy achovy zdaroŭja krain, u jakich jon budzie praktykavacca.

Da prykładu, kažuć navukoŭcy Oksfardskaha ŭniviersiteta, ciapier pacyjent, jaki źviarnuŭsia da doktara z takim simptomam, jak strata vahi, pavinien prajści kompleksnaje abśledavańnie i zdać ceły šerah analizaŭ dla vyznačeńnia pryčyn jaho stanu.

Navukoŭcy spadziajucca, što skora z dapamohaj «Halerei» možna budzie chutka vyklučyć samuju niebiaśpiečnuju pryčynu.

Choć ciapier admoŭny vynik analizu nie aznačaje stoadsotkavaj harantyi adsutnaści ŭ arhaniźmie zachvorvańnia: u 2,5% udzielnikaŭ vyprabavańniaŭ ź simptomami, čyje testy nie vyjavili najaŭnaść raku, jon byŭ paśla znojdzieny z dapamohaj tradycyjnych mietadaŭ dyjahnostyki — skaniravańnia i bijapsii.

Likvidacyju hetaj chibnaści raspracoŭščyki «Halerei» nazyvajuć svaim pryjarytetam u dalejšaj pracy nad prajektam.

Tysiačy vyratavanych žyćciaŭ

Test asabliva efiektyŭny pry vyjaŭleńni takich vidaŭ raku, jak rak hałavy i šyi, kišečnika, lohkich, padstraŭnikavaj załozy i horła.

Pieršyja vyniki vyprabavańniaŭ buduć padsumavanyja ŭ asobnaj spravazdačy paźniej, ale ŭžo ciapier navukoŭcy kažuć pra pośpiech.

Sistema achovy zdaroŭja Vialikabrytanii NHS płanuje raspaŭsiudzić vyprabavańni mietadu jašče na miljon čałaviek u 2024 i 2025 hadach.

«Rańniaje vyjaŭleńnie raku žyćciova važna, i hety test moža dapamahčy nam złavić bolš rakavych zachvorvańniaŭ na bolš rańniaj stadyi i dapamahčy vyratavać tysiačy žyćciaŭ», — kaža kiraŭnik departamienta ankałohii NHS prafiesar Piter Džonsan.

Raspracoŭka mietadu i daśledavańni pravodziacca hrupaj amierykanskich navukoŭcaŭ ź instytuta ankałohii Dana-Farbier i Harvardskaj miedycynskaj škoły ŭ supracoŭnictvie z brytancami ź Instytuta Frensisa Kryka i ŭniviersiteckaha kaledža Łondana. Ich vyniki apublikavanyja ŭ akademičnym časopisie Annals of Oncology Vydaviectva Oksfardskaha ŭniviersiteta.

Prajekt apłačvaje Grail, startap z Kramianiovaj daliny, siarod inviestaraŭ jakoha — zasnavalnik Amazon Džef Biezas.

 

Kamientary2

  • mikola
    02.06.2023
    Malaicy ! lepei czym niczoga.....
  • *
    02.06.2023
    Praŭda ci čarhovy varyjant Elizabet Chołms ?

Ciapier čytajuć

Amierykanskija vajskoŭcy, što źnikli na miažy Litvy ź Biełaruśsiu, zahinuli ŭ bałocie7

Amierykanskija vajskoŭcy, što źnikli na miažy Litvy ź Biełaruśsiu, zahinuli ŭ bałocie

Usie naviny →
Usie naviny

Anarchistu Mikitu Jemialjanavu, asudžanamu na 6 hadoŭ kałonii, dadali jašče adzin hod

Parłamient Armienii ŭchvaliŭ zakonaprajekt ab pačatku pracesu dałučeńnia krainy da ES2

Tramp: Rasija marudzić ź mirnym urehulavańniem2

Alaksandr Łukašenka-małodšy zaśviaciŭsia ŭ rybnym biznesie9

Šmatpakutny hadzińnik Franaka Viačorki znajšoŭ uładalnika9

«Nahaniaje adčuvańnie śmierci i biezvychodnaści, chočacca najchutčej pakinuć». Biełaruski zapisali dziŭny dyjałoh turysta ŭ Biełaviežskaj puščy14

Zahinuła vajennaja karespandentka rasijskaha Pieršaha kanała Hanna Prakofjeva22

Sud u ZŠA ŭvioŭ časovuju zabaronu na spynieńnie finansavańnia Radyjo Svaboda

U tranślacyi inaŭhuracyi Łukašenki vykarystali kampjutarnuju hrafiku. Voś u jakim momancie18

bolš čytanych navin
bolš łajkanych navin

Amierykanskija vajskoŭcy, što źnikli na miažy Litvy ź Biełaruśsiu, zahinuli ŭ bałocie7

Amierykanskija vajskoŭcy, što źnikli na miažy Litvy ź Biełaruśsiu, zahinuli ŭ bałocie

Hałoŭnaje
Usie naviny →

Zaŭvaha:

 

 

 

 

Zakryć Paviedamić