Cybryki, abo bulbianyja krakiety — zakuska, jakuju źjaduć chutčej, čym vy jaje pryhatujecie
Kali vy chočacie pryhatavać štości smačnaje z prostych inhredyjentaŭ, bulbianyja krakiety — vydatnaje rašeńnie. Asabliva ŭ zachapleńni ad hetaha pierakusu dzieci, ale darosłyja taksama da jaho nie abyjakavyja.
Adkul pajšła heta strava, ciažka vyznačyć, bo jaje viersii isnujuć va ŭsim śviecie — ad Čechii da Brazilii. Siarod ich i biełaruskija cybryki z tarkavanaj bulby. Ale samo słova «krakiet» pryjšło z Francyi i aznačaje «kusać».
U pieravažnaj bolšaści krain krakiety padajuć u jakaści asobnaj lohkaj zakuski, a niedzie — u dadatak da inšych straŭ, naprykład, da baršču. Najčaściej ich robiać šarapadobnymi abo cylindryčnymi.
U hetym recepcie prapanujem hatavać krakiety z učarašniaha piure. Usio, što patrabujecca, — heta zapravić piure narezanaj piatruškaj, sfarmavać z bulbianoj sumiesi cylindry, a zatym paniravać i smažyć da załacistaha koleru. Pierad padačaj krakiety možna pasypać drobna narezanaj piatruškaj abo ciortym parmiezanam. Idealnym dadatkam taksama možna stać kropava-johurtavy sous.
Kab pryhatavać krakiety, spatrebicca
- 2 šklanki bulbianoha piure,
- 2 čajnyja łyžki narezanaj śviežaj piatruški,
- bujnaja sol i mołaty pierac,
- 1 šklanka muki,
- 1 vialikaje jajka,
- 1 ½ šklanki śviežych panirovačnych sucharoŭ,
- alej.
Jak hatavać:
- U vialikaj miscy źmiašajcie bulbianoje piure i piatrušku, prypraŭcie sollu i piercam. U niehłybokuju talerku nasypcie muki, taksama dadajcie sol i pierac. U jašče adnoj niehłybokaj miscy ŭźbicie jajka z 1 stałovaj łyžkaj vady. I ŭ jašče adnu talerku nasypcie panirovačnych sucharoŭ.
- Sfarmujcie z bulbianoha piure cylindry pamieram prykładna 2 na 5 sm. Absypcie ich mukoj, akunicie ŭ jaječnuju sumieś, zatym ukačajcie ŭ panirovačnyja suchary. U ciažkaj siaredniaj kastruli nahrejcie 3-4 sm aleju na siarednim ahni, pakul alej nie stanie haračy. Smažcie krakiety da załacistaha koleru z usich bakoŭ, prykładna pa 2 chviliny, pry nieabchodnaści pieravaročvajcie ich. Hatovyja krakiety pakładzicie na papiarovyja ručniki.
Kab zrabić kropava-johurtavy sous, vaźmicie
- 150 h naturalnaha johurtu,
- 1-2 zubčyki časnaku,
- 2 č. ł. limonnaha soku,
- 1 pučok kropu.
Dobra vymyty i vysušany krop treba narezać i dadać u naturalny johurt razam ź limonnym sokam i zdrobnienym časnakom. Usie składniki źmiašać.
Bolš receptaŭ:
Lanivyja vareniki ź jahadami — najlepšy śniadanak letam. Možna zamarozić na zapas
Ideja na śniadanak: makavyja syrniki ŭ duchoŭcy
Klocki z dušami, haračy šakaład, sialava… Jakija stravy majuć prava stać brendam Połacka?
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu3
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary
a toje, što ŭčarašniaje piure, dyk heta jak havorycca - budzieš dajadać, ci śvińniam addam?