Johurtnaje marožanaje z čarnicami — dla tych, chto nie lubić zanadta sałodkija desierty
Patrebnyja ŭsiaho try składniki.
Kab pryhatavać zamarožany johurt z čarnicami, spatrebicca:
- 2 šklanki čarnic
- 2 stałovyja łyžki miodu
- 2 šklanki hreckaha johurtu (možna vanilnaha)
Jak hatavać:
- Zdrabnicie čarnicy ŭ kuchonnym kambajnie ci blendary na vysokaj chutkaści, pakul jany nie pieratvoracca ŭ sumieś, jakaja pa kansistencyi nahadvaje smuzi.
- Vylicie hustuju čarničnuju sumieś u vialikuju misku. Umiašajcie miod. Dadajcie johurt i vielmi akuratna ŭsio pieramiašajcie. Kali vy chočacie aryhinalnuju afarboŭku, nie źmiešvajcie całkam johurt i čarnicy — pakińcie asobna plamy biełaha i fijaletavaha. Sumieś pavinna być hustoj. Pakaštujcie. Kali chočacie bolš sałodkaje marožanaje, možacie dadać jašče trochi miodu.
- Raŭnamierna vylicie sumieś u kožnuju formu dla zamarozki. Kali ŭ vas forma dla eskimo i jość prarezy dla pałačak, vy možacie ŭstavić ich pierad zamarozkaj — kali niama, zamaroźcie na 2 hadziny, a zatym źmieścicie ŭ siaredzinu draŭlanuju pałačku dla eskimo. Praciahvajcie zamarožvać jašče 4-6 hadzin abo na noč. Potym pastaŭcie formački z marožanym pad ciopłuju vadu, kab pačastunak lohka dastavaŭsia. Ješcie ŭ haračy dzień!
Prostaje johurtnaje marožanaje
Kali vy chočacie pryhatavać prostaje johurtnaje marožanaje, možna ŭziać:
- 1 litr (kala 3 šklanak) sucelnamałočnaha johurtu
- 1/2 šklanki hustych viarškoŭ
- ad 3/4 da 1 šklanki cukru
Viarški ŭ hetym recepcie dadajucca dla bolšaj śmietankovaści.
Źmiašajcie ŭsie składniki — johurt, viarški i cukar. Uźbivajcie, pakul sumieś nie nabudzie kansistencyju hustoha małočnaha kaktejlu ci miakkaha marožanaha.
Pierakładzicie ŭ kantejnier zamaroźcie ŭ marazilnaj kamiery da ćviordaha stanu — prynamsi, na 6 hadzin ci na noč.
Padsaładzić desiert možna cukram, zhuščonkaj, siropam, taksama možna dadać śviežyja jahady.
Čytajcie jašče:
Kolki možna źjeści čarešni, kab nie stała drenna
Čya-pudynh — desiert, jaki zapomnicca
Desiert z čarnaślivu i hreckich arechaŭ ź viarškami: vytančany smak i sucelnaja karyść
Kamientary