U čałavieka ŭźnikli prablemy z atrymańniem spadčyny z-za adnoj litary ŭ proźviščy. Dapamoh tolki vypadak
Proźvišča mužčyny adroźnivałasia ad baćkavaha adnoj litaraj, tamu jon nie moh ustupić u spadčynu. Pry hetym jon jašče šmat hadoŭ tamu chacieŭ viarnuć sabie proźvišča svaich prodkaŭ, ale ŭ pašpartnym stale nie dazvolili, piša «Anłajnier».
Pry padačy zajavy na zamienu pašparta čałavieku skazali, što zamiena kančatku proźvišča z «o» na «a» mahčymaja tolki pry pradstaŭleńni aryhinała paśviedčańnia ab naradžeńni. Ale paśviedčańnie było zhublena.
Praź niejki čas, užo paśla śmierci baćki ŭ 2002 hodzie, čałavieku nieabchodna było ŭstupać u spadčynu. A ŭ suviazi z roźnicaj u proźviščach, jakija adroźnivalisia ŭsio toj ža złaščasnaj apošniaj litaraj, uźnikli składanaści.
Majomaść vyrašyli na toj momant afarmlać na rodnaha brata. Adnak jon admoviŭsia ŭstupać u spadčynu.
A praz šmat hadoŭ było znojdziena stračanaje paśviedčańnie ab naradžeńni, schavanaje ŭ domie babuli. Jaho znajšli ŭ piečy. Akazałasia, što ŭ vajennyja i paślavajennyja hady tam chavali dakumienty, ale ni babula, ni, mahčyma, maci mužčyny, jakaja viedała tajamnicu, nikomu pra heta nie kazali. Paśla ich śmierci paśviedčańnie tak i zastałosia lažać u zacišnym miescy.
Ale i heta nie vyrašyła prablem aŭtamatyčna: dakumient byŭ paškodžany, a asabistyja źviestki ŭ im ścierlisia. Mužčyna źviarnuŭsia da sudovych ekśpiertaŭ, jakija zmahli adnavić častku infarmacyi, uklučajučy proźvišča i datu naradžeńnia. I ciapier u jaho źjaviŭsia šaniec narešcie ŭstupić u zakonnuju spadčynu.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary