Na mysie Fijalent u akupavanym Sievastopali prahučali vybuchi, tam vajskovaja čaść
Krymskija telehram-kanały paviedamili pra vybuchi ŭ niadzielu ŭviečary ŭ rajonie mysa Fijalent u akupavanym Sievastopali. Va ŭkrainskaj vyviedcy kažuć pra sumiesnuju apieracyju HUR i VMS, piša «Ukrainskaja praŭda».
Prarasijski telehram-kanał «NZ Sievastopal» paviedamiŭ, što ŭ rajonie Fijalenta čuli vybuchi. U svaju čarhu, kanał «Krymski viecier» paviedamiŭ, što vybuch adbyŭsia ŭ rajonie čaści radyjotechničnaj raźviedki abo čaści SPA — jany raźmieščanyja pobač.
Paviedamlajecca taksama, što ŭ Sievastopali mašyny chutkaj dapamohi z uklučanymi sirenami pamčalisia ŭ bok Fijalenta. Ruch aŭtatranspartu pa Krymskim moście časova pierakryty.
Paźniej rasijskaje Ministerstva abarony zajaviła, što ŭ 20:30 srodki SPA akupantaŭ źbili dva ŭkrainskija bieśpiłotniki nad paŭdniova-zachodniaj častkaj Kryma.
Krynicy vydańnia «Suśpilnie» ŭ raźviedcy paviedamili, što vybuchi ŭ Sievastopali — heta sumiesnaja śpiecapieracyja Hałoŭnaha ŭpraŭleńnia raźviedki i VMS. «Vybuchi pačalisia prykładna ŭ 20:15. Było try hučnyja vybuchi i niekalki cichich. Znajomy napisaŭ, što vybuchi byli na poŭdni horada z boku mysa Fijalent», — skazaŭ miascovy žychar.
Na mysie Fijalent, dzie, vierahodna, čulisia vybuchi, bazujecca 26-y marski radyjotechničny atrad. Akramia taho, tam raźmieščana radyjotechničnaja stancyja z 12 radyjołakacyjnymi antenami.
Ciapier čytajuć
Zahinuŭ biełaruski dobraachvotnik Alaksiej Łazaraŭ6
Kamientary