U Vilni pakazvajuć śpiektakl pra padziei 2020-ha. Asnova — pjesa Kurejčyka
Mały teatr Vilni ładzić hetymi dniami biełaruski śpiektakl. Heta historyja pra padziei 2020 hoda, jakuju tolki na niekalki viečaroŭ pakažuć na biełaruskaj movie.
Śpiektakl Infinity źjaviŭsia na vilenskaj scenie ŭ kastryčniku 2022 hoda. Jaho litaraturnaja asnova — ruskamoŭnaja pjesa dramaturha Andreja Kurejčyka, a taksama ŭryŭki z tvoraŭ litoŭskaha paeta i kinarežysiora Jonasa Miekasa. Dla troch pakazaŭ, što prachodziać u hetym vieraśni, arhanizatary zrabili biełaruskija subcitry — ich dla śpiektakla padrychtavaŭ biełaruski teatralny krytyk Dzianis Marcinovič.
Infinity — mižnarodny prajekt, jaki abjadnoŭvaje ŭ sabie džaz i teatr, i hetkimi mastackimi srodkami raskazvaje pra supraćstajańnie dabra i zła. Da akcioraŭ Małoha teatra ŭ hetaj pastanoŭcy dałučyŭsia šmatnacyjanalny džazavy kalektyŭ NoJo Airlines Orchestra — sapraŭdny arkiestr na teatralnaj scenie.
Pavodle režysiorki śpiektakla Habryele Tuminajcie, pastanoŭka raskryvaje supraćstajańnie režymu i volnaha čałavieka. Režym parušaje bazavyja pravy čałavieka, jaho samapavahu i hodnaść. Čałaviek miarkuje, što ŭ demakratyčnaj sistemie bolej šanujuć asobu, žyćcio i pravy ludziej, tamu jon vystupaje suprać režymu i zmahajecca za demakratyju, za svabodu dumać i havaryć tak, jak choča. Teatr i džaz u śpiektakli — heta nibyta spabornictva dvuch polusaŭ: teatr uvasablaje napružańnie aŭtarytaryzmu, a džaz — dabro i dziejnaść svabodnaj, niepryhniečanaj tvorčaj asoby.
Apošnija ŭ hetym vieraśni pakazy pastanoŭki projduć 21 i 22 vieraśnia. Kupić bilety na śpiektakl možna pa spasyłcy.
«Naša Niva» — bastyjon biełaruščyny
PADTRYMAĆ«Emocyi zaškalvajuć i ŭciskajuć u fatel». U Łondanie pastavili «Dzikaje palavańnie karala Stacha»
Architekturnyja tvory aŭtara bieła-čyrvonaha-biełaha ściaha pryznanyja Suśvietnaj spadčynaj JUNIESKA
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj31
Kamientary